2014年9月10日 星期三

[FACE 381 外地娛樂] 220磅肥妹 韓版魯芬爆紅扮嘢王 魯芬,MF,




韓飯台

220磅肥妹 韓版魯芬爆紅扮嘢王

邊個話女星肥就唔會紅?韓國笑星李國主愈重磅就愈紅!

個樣有啲似魯芬,出道 9年的李國主體重成 220磅,以前就算身形咁大份都冇咩人留意到佢,不過今時唔同往日,𠵱家喺韓國簡直係紅到街知巷聞。一直無咩名氣的她,今年在有線台 tvN的藝能節目《 Comedy Big League》表演自創的流行語「 holulu」同〈食談 Song〉,好多人睇完笑到碌地,甚至連細路哥見到佢都識得講句「 holulu」!

李國主唔單只同 miss A秀智、 Apink、金宇彬等頂級明星一齊拍廣告,連韓國著名的綜藝節目《 Running Man》同《無限挑戰》都紛紛邀請佢做嘉賓。要做「大勢女」,唔一定要又靚又瘦嘅。







李國主曾喺 tvN《現場脫口秀-TAXI》中透露,一開始見金宇彬時,怕金宇彬知道自己對佢有好感,所以扮晒高傲,但睇呢張合照,國主最後都係破功

1.李國主創作的流行語「 holulu」同〈食談 Song〉係咩嚟?

28歲嘅李國主身形咁大份就知佢好食得,「 holulu」同〈食談 Song〉都同食物沾上邊!流行語「 holulu」係又急又爽快地吞入食物時的擬聲詞。佢出演《 Running Man》玩食西瓜的遊戲時,同其他嘉賓都連續講咗幾次「 holulu」,之後先痛快咁"吞"入西瓜。

〈食談 Song〉有談論飲食的意思但冇既定歌詞,歌詞可隨時改變,歌詞大部分同食物有關。比如好出名的有:「右手拌一拌,左手拌一拌,咁就 2碗啦!」

雖然「 holulu」同〈食談 Song〉都係韓文,但係睇佢嘅表情咁生動有趣,有邊個會忍到笑呢?

李國主當《 Running Man》嘉賓,一出場玩食西瓜遊戲,主持人同其他嘉賓都齊聲說李國主的流行語「 holulu」。

2.李國主有咩本事吸觀眾?

李國主模仿泫雅〈 Red〉的 MV。身型肥胖又點?李國主一樣跳出性感味道!直至 9月初 YouTube的點擊率已經突破 100萬。

李國主除咗「 holulu」的流行語好出名之外,身形肥胖嘅佢原來好叻跳舞。 Apink的〈 Mr. Chu〉、 AOA的〈短髮〉、 4minute泫雅的〈 Red〉由清純可愛到性感的舞步,一樣難佢唔到!仲有,扮鬼扮馬都係佢嘅專長, BoA、 miss A的 min同秀智、泫雅,個個佢都扮得好神似,不過當然係搞笑版啦。

3.李國主點睇自己的外貌和身形?

曾經接受訪問時講到有前輩打電話俾佢,叫佢唔好減肥,佢話佢從來冇減肥的打算。仲好樂觀開朗咁話:「因為有我這樣的角色,才會突顯到別人的美。」𠵱家嘅佢,比起 9年前出道時肥咗 40多磅,但係反而被稱讚變可愛咗。

李國主喺 OBS的獨特的演藝新聞裡講到「比起外貌,更重要的是自身的魅力」。佢聲稱現時沒有男朋友,不過就有男偶像話鍾意佢。究竟係邊個?好想知喎!

4.睇邊個電視節目可以欣賞到李國主演出?

李國主除咗每周都會出演 tvN的藝能節目《 Comedy Big League》外,近來仲客串多個韓國綜藝節目,如《 Running Man》、《無限挑戰》和《 Happy Together》等。

而喺韓國隨手打開電視機,都會見到佢同金宇彬、 Apink拍的「 Home shopping」廣告。

之後佢仲會擔任韓國情歌皇后白智英的演唱會嘉賓,同白智英一齊唱〈我耳邊的糖果〉。李國主因聲線夠靚,無論唱 K-pop同韓式民謠( trot)都難唔到佢,絕對係唱家班。

演出《 Happy Together》時,佢講到最大的煩惱係食量大,但原因絕對唔係因為驚肥,而係叫外賣時,一次過點餐點太多覺得很丟臉。所以,佢打電話叫外賣時,會扮仲有個朋友係旁邊咁,一邊同「朋友」對話,一邊點餐。連叫個外賣都搞笑過人。

在 tvN現場脫口秀《 TAXI》中,李國主講及佢同金宇彬拍廣告時,金宇彬同佢講:「因為你,所以𠵱家會睇《 Comedy Big League》呢個節目。」連人氣男金宇彬都準時開電視睇李國主,真係好架勢啊!



鍾意就快D Share啦!
Related Posts Plugin for WordPress, Blogger...