[FACE 381] 為女忙 全職拍拖餵千語 林峯偽韓 look速遞魚蛋 林峯,吳千語,千語,MF,

雖然對電腦一竅不通，不過林峯買部 4皮嘢電腦打機，千語 BB都望都實。

真面目

為女忙　全職拍拖餵千語　林峯偽韓 look速遞魚蛋

男人以事業為重，但如果你係公子的話，梗係玩樂為上溝女大過天啦。

話說上月滿約大台嘅林峯決定外闖，冇樂大媽管住，峯少做乜都得，上週被本刊拍得連續 3日釘實千語 BB唔放，仲日日唔換衫！肯定好大陣「瘋味」。

公子唔只跟得，仲好細心，為氹女友開心， Chok峯特登自駕去灣仔買魚蛋畀女友食，呢啲男友真係恨死港女。

其他影片：>>林峯三日唔換衫　全職陪千語 BB「𡰎嗚」

34歲林峯同 20歲千語 BB拍拖年多， Chok峯除咗經常黐實 BB唔放外，自己亦不斷趕潮流，希望以一身韓風潮 look拉近跟千語 BB的 14年齡鴻溝。上週三至五（ 3-5日）本刊連續三日發現林峯仿如韓仔上身， 30度依然堅持用同一套 cap帽，鮮艷長袖衞衣加黑牛，一身 Hip Hop韓 look陪住千語 BB。繼週三（ 3日）二人拍拖遊街後，上週四（ 4日）峯少再同吳千語去太古城百老匯「鳩嗚」，期間更睇中部$40,999嘅打機專用手提電腦， Chok峯買之前都同女友商量，証明千語 BB地位超然。其實林公子冧女唔只淨係晒富貴咁土豪，翌日見千語 BB前，特登到灣仔有唔少食家推介嘅威記美食，買咖喱魚旦氹女。男友有財又肯玩細心，加埋一件着足三日嘅最潮韓服，千語 BB點飛得走呀？

3/9

30度高溫，吳千語都熱到着背心，但 Chok峯為型， cap帽加長袖衞衣，着韓 look係要唔怕熱嘅！

林峯試緊電腦，吳千語反而走去睇免油健食爐，睇千語個款又唔似會煮飯喎！

4/9一件衫着 3日

話晒都係「巨星」，帶黑超係常識，但林峯最後都除超。因為真係睇唔到嗰部電話，千語 BB都一齊𥄫㗎，兩人真係冇秘密。

林峯咁型當然有女粉絲埋身合照啦，女友亦幫埋粉絲揸機。

5/9

位於灣仔嘅威記美食，其咖喱魚蛋唔少食家都推介過，林峯當然識做買畀女友

峯哥孭飛嘅大陸劇《衞子夫》上週喺北京搞慶功，林峯竟然 no show，只因要陪女友去馬來西亞。網上圖片

峯少扮韓仔襯 BB

峯哥一心追趕韓風，無非都係想同千語 BB拉近距離啫。不過件韓 look衞衣，就着足 3日。該衞衣品牌為 BAZAR-14是英國設計師 Aaron Tubb設計，賣成$3,448。係型啫，但峯哥你唔使着足 3日呀？

峯哥買嘅電腦為 18吋 Alienware，呢部電腦專為打 online game而設，畫面靚，聲靚， 4皮嘢，抵

峯哥出名愛打機， 08年大熱嘅《 Monster Hunter 2G》峯哥亦係粉絲，而新買電腦相信係為咗打《 Call of duty》呢啲槍 game。

峯哥身為少爺仔，但唔係只食貴嘢，同千語 BB試過食大排檔㗎。圖片

峯哥經常同千語去旅行，之前去完日本九州，最近仲陪千語 BB到大馬出席好友 Christina Teh婚禮，去邊都黐到實。

鍾意就快D Share啦！

下一篇 》