據知馬明與徐佳琦早於 12年已認識，之後二人便保持聯絡，直到去年年底二人才正式撻着，戀情一直保持低調。網上圖片
真面目
宣示主權 秘戀 11個月 馬明新女：預咗畀人講
筍盤難求，適用於樓盤和男人身上。自陳豪被陳茵私有化後，天然呆馬明長踞筍盤首位。向來緋聞不多的他，前週突然傳出與上海妹徐佳琦（ Jackie）秘密撻着，雖然二人例牌否認，不過紙包唔住火。
據知二人於去年 11月撻着，至今已秘密拍拖 11個月，由於馬明正處於搏殺期，故二人協議不公開戀情，但向來將家人放在第一位的馬明已帶女友返家見家長，向女友派定定心丸。上週本刊與徐佳琦訪問，雖然她講明唔講馬明，但說到與馬明結緣， 26歲的馬明新歡還是忍不住甜笑出來。
F：《 Face》 徐：徐佳琦
F：報導指你住劏房？
徐：一定係上海住得舒服啲啦（廣東話不太流利），你知道香港租金咁貴，所以我情願去搵一個細啲嘅地方住，咁可以多儲啲錢！
F：獨自到香港咁遠做嘢，好辛苦喎！
徐：唔辛苦唔陰功，因為做緊自己鐘意做嘅工作。我半年就會返上海一次，有時候媽咪都會嚟香港探我囉。
F：點被人影到同馬明飯聚？
徐：嗰日我係同班 friend出去食飯，之後因為比較夜，咁我自己一個女仔，所以有個男仔車我返屋企，我覺得好合理，但係我哋停咗車之後突然啲閃光燈出嚟閃囉！搞到我𠵱家都唔知以後敢唔敢同呢個男仔出去食飯喇。（唔會啩！）
F：覺得香港同上海嘅男仔有咩分別？
徐：我知香港有一部分男仔係比較自我，但係我自己接觸嗰啲呢，我覺得都幾好，幾乖幾孝順囉。
F：揀男朋友有咩條件？
徐：當然除咗緣份外，我覺得男仔基本嘅嘢如孝順啦，體貼啦，乖啦。我呢個人不嬲都好相信緣份嘅，即係我做嘢啦，拍拖啦，都好信緣份囉！我係覺得愛情呢件事，你遇到就遇到㗎喇，你遇到一個人，你覺得你係鐘意佢嘅，你覺得有緣份嘅，其實係無計㗎，你都控制唔到㗎。
F：有指你借馬明，提高自己知名度喎！
徐：我覺得喺香港，如果同一個出名嘅男仔出去俾人哋影到，人哋點都會咁樣講㗎喇，我都預咗畀人咁樣講！但係唔通我之後就唔同啲成功過我嘅人做朋友咩？
胡定欣 33歲（ 9月 9日正日生日，生日快樂！）
08年二人因《舞動奇蹟 2》而撻着，並秘密拍拖，期間胡定欣更為咗見多馬明幾面而搬到 5分鐘車程近的新居。不過胡定欣公主病太嚴重，連「順得人」馬明都頂唔住而分手收場。
|
鍾意就快D Share啦！
|
|
|
