[FACE 381] 容祖兒 8吋高踭鞋嗌救命 祖兒,容祖兒,MF,

祖兒同古巨基都盛裝出席公司旗下珠寶店開張，睇住祖兒着住對 8吋高踭嘅 Charlotte Olympia閃石高踭鞋，全知言都戥佢牙煙。

全知言

容祖兒 8吋高踭鞋嗌救命

上週三（ 3日）英皇珠寶喺 1881 Heritage開旗艦店，貴為英皇一哥嘅古巨基同一姐容祖兒梗要到場支持老闆楊受成

當日天氣其實唔差，溫度都 30度左右，不過就一滴風都無，講真都幾焗，全知言企咗一陣睇熱鬧都焗到出晒汗。新婚古巨基就着咗件銀色外套加黑色皮褲，型就係型，不過睇見都熱囉！至於祖兒，佢就好醒目咁着咗 Dolce& Gabbana tube dress，可惜天氣炎熱，加上踩住 8吋高踭鞋企喺室外企足半粒鐘，唔怪得祖兒返到屋企，火速換衫後立即發微博，喊晒口呻高踭鞋搞到佢腰酸背痛。不過我全知言覺得冇靚衫着仲辛苦囉。

大熱天時唔緊要，但係一滴風都冇就真係攞命。祖兒同基仔企足半粒鐘，仲要做訪問，難怪兩個都冇乜表情。

做完活動當晚，祖兒即刻上微博呻辛苦。全知言想睇佢豹紋睡裙 look喎！

活動期間，徐子淇老公李家誠突然經過，仲入咗鋪頭行咗個圈。就咁睇係空手而回，應該帶埋老婆徐子淇嚟揀嘛。

鍾意就快D Share啦！

下一篇 》