2014年9月10日 星期三

[FACE 381] 講呢啲 如果裸照流出點面對? 裸照,BKD_S,MF,




網上圖片

全知言

講呢啲 如果裸照流出點面對?

早前荷里活流出大批女星裸照同親熱相,「飢餓女」 Jennifer Lawrence、美國「咪神」 Kate Upton同過氣「蜘蛛女」 Kirsten Dunst等無一倖免,最新受害人仲有加拿大天后 Arvil Lavigne, iCloud今次真係累街坊!

08年陳冠希淫照事件,一班當事人避得就避,相反外國人就好睇得開。除咗爭住認相中人係自己,仲冇話一哭二鬧,好似 Kate Upton露點又有搞嘢自拍,事發後都可以笑笑口照見人照出騷,瀟洒到呢!而一班港星似乎學到嘢,講到明唔會龜縮,其中 Coffee更話有好嘢唔怕 show添!咁幾時放兩張出嚟益吓大家先?



其他影片:>>藝人篇
>>街坊篇







Coffee 唔怕 show

如果發生喺我身上,我會先收埋自己一個星期,然後再出來面對。又唔係自己錯,嗰啲係私人相,只係被黑客搵咗出來。自己冇做錯就唔怕俾人見,如果身型靚嘅話,更加唔怕 show。

Super Girls 即刻認

會認!你影咗呢啲相,被放咗出嚟,如果係人哋偷嘅,咁錯在佢哋,唔係我嘅問題,所以我會認!

BabyJohn 搵警方

最好嘅方法、識做一定係搵警方做!冇辦法,𠵱家資訊實在太勁!其實唔係咁易、咁理性去選擇方法(處理),因為人係有感情嘅。

街坊睇得開

一班青春藝人似乎都答得幾輕鬆,咁街坊又認為班星要點處理先最好?

莊小姐:「剛開始肯定會傷心難過,亦冇做咩錯事,只能默默地承受。等時間過咗,大家唔會再關注呢件事。」

金先生:「叫身邊人唔好睇自己同其他藝人嘅裸照,會從多方面去宣揚呢件事(不看裸照),如果有做一定會認!」

黃小姐:「我會承認,然後當冇事發生。會喺網站認,一定會。唔會(叫其他人別看),因為呼籲都冇用!」

黎先生:「會話係反面例子,叫大家唔好學。如果真係因 iCloud而洩露出來,可能會考慮(控告蘋果),始終係由不法途徑得到。」



鍾意就快D Share啦!