避世兩周，阿 Yu周日（ 8日）現身屯門醫院。本來已經瘦削的阿 Yu，經過多日煎熬，有 5呎 7的她，身形更加單薄。
封面
屯門醫院覆診 瘦剩 90磅 趙頌茹離婚復出：佢收埋兩個囡
一單家暴，揭發出軌、虐妻、惡習未清，仲要借醜聞坐地起價接 job多宗罪，出道 13年，周永恒人氣從未如此「高企」，成功登上全年人渣榜榜首。
事發兩星期，渣男與小三仍未斬攬，又上電視做大龍鳳；而決心離婚嘅趙頌茹則一直不見人。周日，本刊獨家發現阿 Yu行蹤，瘦剩 90磅單拖現身屯門醫院覆診。
據 Yu身邊密友透露，死心阿 Yu已下定決心離婚兼復出爭取撫養權，半個月只靠電話與兩囡囡聯絡，阿 Yu掛到心都痛，仲同友人控訴︰「佢收埋兩個囡！」
上月 24日， 30歲周永恒因為被踢爆有外遇，老羞成怒推跌阿 Yu，引致阿 Yu下巴受傷要縫 3針。報警自行撕破模範夫妻假象後，阿 Yu離家出走，兩周以來一概只見短訊不見真人，周日（ 7日）終於蒲頭。
覆診紙板人
覆診紙板人
有讀者發現面容憔悴的阿 Yu，單拖出現在屯門醫院門診部走廊。炎炎夏日，阿 Yu穿上長袖衫、頭戴 cap帽，遮到密密實實卻難掩其瘦弱身影，而左邊臉頰仍有瘀青。其實家暴鬧上差館前，已有傳周早已對 Yu動粗，最近就傳出周永恒曾一年之內打 Yu七次，更曾因為嫌浴缸污糟，將阿 Yu個頭撼落浴缸，絕非周永恒外婆所說自行撼頭埋牆。
長期受盡周永恒身心折磨，又不願負擔家傭支出，任由妻子獨立擔起湊女及家中大小事務，雖然已是兩女之母，阿 Yu亦一直維持單薄瘦弱身型。據其身邊密友透露，發現丈夫與 Ruby姦情再遭受多次暴力對待後，阿 Yu體重更加直線下降，兩周之內由 100磅跌至 90磅，不過一心諗住自立復出，做好準備打官司爭撫養權，阿 Yu就算食之無味一樣逼自己食足三餐，意志反而比離家前更堅定。
5/9打 Yu罪成 周永恒判守行為 18個月
上周五（ 5日）周永恒到屯門裁判法院應訊，其舅父舅母同行。周被判守行為 18個月；而周永恒現居的天水圍嘉湖山莊，屬舅父舅母名下物業。
小三 Ruby未甩
阿 Yu向密友透露，周永恒雖冇開口要求 3P，但曾多番旁敲側擊試探老婆底線。
兩囡變人質
今年 4月，阿 Yu自揭小時曾遭性侵，因而與家人鬧翻，不過當獲悉賤夫行為後，趙父已主動聯絡阿 Yu冰釋前嫌，但由於父親心臟有問題，阿 Yu為免讓老父過於激動，現時借宿教友家中。
事發兩周，賤男日日做大龍鳳，阿 Yu反而只在微博發出一份聲明，阿 Yu只向身邊密友透露，「佢收埋兩個女，我好掛住佢哋，決定獨力養大兩個女，呢兩星期都只可以電話同佢哋聯絡。」一邊自認人渣求老婆回頭、一邊又埋怨阿 Yu離家後對女兒不聞不問，原來推撞受傷後第二日，阿 Yu已經致電回家要求探望及照顧女兒，不過卻被周永恒及其母雙重阻撓，更把一對女兒當成要脅回家的籌碼。
前娛記爆料：夠膽你就驗尿！
周永恒絕頂人品，連前娛記都睇唔過眼，《娛樂審死官》主持之一、在 facebook爆過周永恒大鑊的潘小文，上週接受本刊電話訪問，繼續數臭賤男：「周永恒根本係觀 X洋服，講一套做一套。尤其喺毒品，呢幾日佢一直逃避呢個問題，我攞唔到證據出嚟，但係我聽過佢極親密嘅朋友講，亦都知道阿 Yu有叫佢食少啲，佢都唔聽。我攞唔到證據出嚟，但係夠膽你就嚟驗尿！據我所知佢接 job啲錢都用晒嚟買嗰啲嘢，咪冇錢俾家用囉！」
送貨送上門
反觀在電視上擠眼淚、在 facebook上賣可憐，又向記者自稱已經與小三 Ruby分手的周永恒，據知情人士透露，實情少了老婆在身邊監管，話戒未戒的不良嗜好反而更密集、更明目張膽。本來每日定時在住所附近約賣家在私家車交易，現時為避記者鏡頭更登堂入室，風雨不改送到上門。至於下月 4日，本來周永恒與方力申為「基督教正生會」擔任大使和出席跑步活動，據知周已被飛，週一本刊聯絡正生校長陳兆焯，他說︰「我呢邊係受助人，呢方面唔清楚，要問番主辦『全城街馬』。」本刊再致電「全城街馬」查詢，公關表示︰「周生因為要處理私事唔會再參與宣傳同活動，（方力申會否繼續？）方力申會繼續比賽， 11號會入正生同學生打波。」
現時終日沉溺在損友和壞習慣之中，偽教徒周永恒一早離棄宗教及教友，連昔日好兄弟譚俊彥致電慰問，提出要與阿 Yu聯絡，有人竟然在電話回覆：「唔使喇！我𠵱家嫌打得佢少添！」惡型惡相極品人渣，周永恒想翻身，連神都難打救。
亂性經典
香港娛樂史上一個經典 3P鬧劇，在 04年引爆，珍妹李麗珍被揭與已婚髮型師 Jacky Ma，和其太太（已殁）兩女共侍一夫，長期三人大被同眠甚至有毒齊齊吸。都係嗰句，毒品害人又亂性，千祈唔好掂。
|
鍾意就快D Share啦！
|
|
|
