掃呢頁CODE去手機

2014年11月20日 星期四

[壹週刊 - 1289] 師徒反目 唔拜任劍輝 龍劍笙老點白雪仙 任劍輝,龍劍笙,白雪仙,M1,




阿刨被問到同仙姐關係時,阿刨表現得驚青,眼珠不停轉動。

探熱針

師徒反目 唔拜任劍輝 龍劍笙老點白雪仙

粵劇名伶龍劍笙(阿刨)為紀念恩師任劍輝逝世廿五周年,專登由溫哥華返港,重踏台板演出《任藝笙輝念濃情》折子戲,阿刨公開表示每場演出,都會預留對正台中間靚位俾師傅白雪仙(仙姐),但由上星期四(十一月十三日)開鑼,至本週二(十八日),仙姐一直無現身捧場。

據知,去年阿刨因為講大話呃師傅,欺師大罪,導致師徒關係決裂。

稱病劈炮

當年任姐仍在生時,她與仙姐最愛錫阿刨這個徒弟。

白雪仙與龍劍笙師徒關係決裂,事件要追溯到去年初,其時,仙姐決定在任姐(任劍輝)逝世廿五周年舉行紀念活動,曾要求在加拿大的阿刨,今年一月返港同老拍檔阿嗲(梅雪詩)演出《再世紅梅記》,為「任白慈善基金」籌款。

「阿刨最初都話師傅叫到都會做,連價錢都傾埋,但仙姐想幫基金籌多啲錢,叫阿刨考慮減價,阿刨話諗吓,點知轉個頭就話舊患唔舒服辭演,仙姐唯有臨時搵陳寶珠頂上。仙姐當時有為呢件事唔開心,但好快都冇乜嘢;其實嗰陣老人家唔知道啫,阿刨唔想一月返嚟,係因為佢同人哋傾緊十一月會返嚟演出,如果年頭做完年尾又做,佢唔驚影響賣飛,係怕體力應付唔嚟。」知情者說。

今年三月公演的《再世紅梅記》,阿刨辭演,仙姐就搵了陳寶珠夥拍阿嗲,可惜叫座力一般。

阿刨找了兩位新花旦鄭雅琪及李沛妍合演折子戲,舉行了二十場《任藝笙輝念濃情》來紀念任姐,場內更播放了由阿刨寫給任姐的信。

當場斷正

先有辭演事件,師徒關係進一步惡化,導火線是去年仙姐曾親自飛過去溫哥華拜祭任姐,到埗後,她打電話約埋長住當地的阿刨一齊去,但對方聲稱她人不在加拿大。

「好邪㗎!即晚仙姐就喺當地一間餐廳撞到阿刨同 Emily(阿刨同性密友)一齊,當時氣氛好尷尬,仙姐好嬲,但佢當無事發生;講完大話仲要斷到正一正,阿刨𤓓爆,但都硬住頭皮行去同仙姐打招呼,仙姐亦好有禮貌,照同佢講嘢。其實兩個徒弟之中,無論任姐抑或仙姐,最錫都係阿刨,佢竟然咁樣講大話,仙姐真係好傷心。」

阿刨稱病推仙姐,卻答應與丘亞葵合作搞《任藝笙輝念濃情》演出紀念任姐,被瞞的仙姐心裡有數,所以當她被問到阿刨未能演出由她監製的《再世紅梅記》會否有遺憾時,仙姐一臉不悅說:「唔知道!要問阿刨先知。」

仙姐沒有去捧阿刨場,反而同陳寶珠、陳善之等人出席鄧光榮太太生日派對(左圖), 11月 14日阿刨在演出時,仙姐寧願帶愛犬外出,都唔去睇阿刨。

今年九月,阿刨由溫哥華返港為十一月的演出做準備,亦有到仙姐位於跑馬地寓所探望師傅兼補鑊。據知,當時仙姐反應冷淡,兩人打完招呼後,便再沒有對話;阿刨無癮,在仙姐屋企逗留了唔夠半小時便離開。

阿刨今次返港,先後兩次上過仙姐屋企,可惜仙姐怒氣未消,對她態度冷淡。

去年阿刨聲稱不在加拿大,結果同仙姐喺當地撞到正,當時阿刨還與同性密友 Emily一齊。

驚青回應

上星期四(十三日)阿刨開鑼演出,但連日仙姐一直未有捧場,被問到激嬲師傅一事,阿刨表現得相當緊張。

記者:壹 龍劍笙:刨

壹:今次開騷事前有冇通知仙姐?

刨:唔係通知(突然退後兩步,神情驚恐),我哋唔敢咁樣講……

壹:仙姐乜嘢原因呢幾日都冇嚟睇你?

刨:佢(仙姐)有講過佢一有時間就嚟㗎。

壹:之前仙姐去加拿大拜任姐,叫你去但你冇去,所以激嬲咗仙姐?

刨:唔係呀……我唔知,唔知呀。

壹:嚟緊會唔會見到仙姐。

刨:廿五號會一齊去君悅一個懷念任姐嘅活動。

阿刨拒絕幫師傅,但轉頭就答應丘亞葵開鑼。

06年阿刨答應仙姐與阿嗲,合演了四十場《帝女花》,仙姐更帶住兩位愛徒開香檳慶祝。

頭號愛徒

現年 70歲的龍劍笙(阿刨), 16歲開始學藝, 60年入選任白組成的「仙鳳鳴劇團」,成為任白門生, 68年首次有機會與師傅同台演出《白蛇新傳》。直到「雛鳳」成立,被視為主帥的龍劍笙反串男角,飾演文武生深入民心,令她在同輩中成功跑出。

92年,阿刨宣布暫別舞台移居加拿大,在師傅白雪仙要求下,阿刨夥拍拍檔梅雪詩復出多次,吸金力超強的她於 07及 08年重演《帝女花》場場爆滿,不過盛傳酬勞有人以蝕錢為由扣起,令阿刨大感不滿,自此師徒關係開始不如前。 09年,一眾愛徒出席任劍輝 20周年逝世紀念活動,獨欠任白頭號愛將阿刨,有指就連師傅白雪仙生日,她亦未有致電祝賀,師徒感情逐漸變淡。

反面無情

人情紙咁薄,利字當前,無論任何關係,都可以因為一個錢字,反目成仇。

鄭嘉穎、戴思聰

06年,翻生的鄭嘉穎被前經理人兼歌唱老師戴思聰要求履行 93年簽下的一份合約,只要他一日在娛樂圈搵食,所有收入要抽佣 10﹪,兩師徒最後因這份「終身合約」而反目。

鄭欣宜、劉家昌

肥姐臨終將愛女欣宜交託給好友劉家昌照顧,欣宜卻私自轉投陳淑芬旗下,並要求跟師傅劉家昌解約。

王馨平、甄妮

91年,甄妮開辦唱片公司一手栽培王馨平成為歌手,其後王馨平卻控告甄妮涉嫌業務侵佔,二人對簿公堂。 98年,台灣高等法院以證據不足為由,判甄妮無罪。



鍾意就快D Share啦!