好呀！戲迷好期待！
粵劇名伶龍劍笙（阿刨）將於下月公演粵劇《蝶影紅梨記》，由於反應熱烈，10場門票熱賣，如今宣布加開6場！這套劇目是阿刨26年前告別舞台之作，故別具意義，今次阿刨亦會增添新元素，加上跟新演員合作，新鮮感十足！
阿刨今次率領一眾演員由12月20日開始在香港演藝學院演出10場粵劇《蝶影紅梨記》，消息一出，外界瞬間掀起搶飛熱！主辦今次粵劇的新娛國際老闆丘亞葵隨即宣布加開6場，由明年1月1日至6日。丘亞葵見到反應如此熱烈，坦言感到興奮：「10場爆滿，依家要加6場，好多戲迷仲話要搶尾場嘅飛，個個都想要尾場，我頭都痛埋！」日前探班的他，更一時興起與眾女演員跳羽扇舞。
阿刨近月不停排練，原來《蝶影》這劇目對她來說是特別有意義，因為是阿刨相隔26年再演出此劇，她說：「好開心，26年前我告別舞台，移民去加拿大前就係演呢套劇，依家再演，非常期待！」她又表示今次很高興可以跟一班年輕人合作，很有新鮮感。問到為何揀選這套劇目？阿刨笑言：「因為呢個劇有一個特別開心、華麗嘅結局，唔少劇目都係傷心結尾，所以今次好特別。」向來做事認真的阿刨又為劇目加設旁白，增添新鮮感，她將率領這班演員於日內錄製旁白，務求令屆時的演出更立體和豐富。
來源 source: http://hk.on.cc
|
鍾意就快D Share啦！
|
|
|
