掃呢頁CODE去手機

2014年11月26日 星期三

[FACE - 392] 全副 hea格 田蕊妮踢拖狂扯 田蕊妮,MF,




一扯

行兩步就要扯一扯,斷估唔係阿田私伙啩,件衫款式娘之餘仲根本唔啱身。

全知言

全副 hea格 田蕊妮踢拖狂扯

港視一集《選戰》已徹底 KO大台啲師奶悶爆劇集,雖然 hktv來勢洶洶,但大台事事旦旦作風一時三刻好難改。上週日( 16日)全知言返屋企嗰陣,撞啱大台拍緊新劇《鬼同你 OT》,有視后田蕊妮、視帝陳豪卡士都算幾有睇頭。

當晚拍緊阿田送飲醉酒嘅陳豪返屋企,唔知阿田係咪瘦咗呢,件衫好似唔啱身咁,成日要係咁扯高,當導演拍半身嗰陣,阿田索性除咗對高踭鞋着拖鞋拍咗就算。做戲唔同報新聞,成身造型唔配合,好影響演技發揮喎!定係大台劇根本唔使講演技呀?

大台安排啲衫認真唔啱阿田 size,搞到阿田要成日扯住件衫防走光。成個造型加對拖鞋,全知言以為拍緊《掃黃風雲》!

天氣轉涼,阿田露肩拍足成晚,搞到傷風流鼻水,不過阿田拎住張紙巾係咁呻,冇乜儀態囉!

阿田拍得 hea,而剛俾富貴男友飛甩嘅胡定欣,拍劇期間經常苦瓜乾,睇吓呢個所謂笑容,不解釋啦。

一套飲樣

陳豪全程都係車戲,都係唔見腳,但就着晒成對鞋,唔會撻住拖鞋就算囉!



鍾意就快D Share啦!