全城熱爆的娛樂八封新聞 & 時事趣聞 & 生活 + 趣聞
吳君如戲中飾演過氣紅歌手，為咗令效果更靚，不惜親自設計造型，仲出動埋私伙靚衫，劇組提供嘅服裝全部唔用！#君如#私伙#過氣歌手
《金雞》由 02年做到 14年，吳君如終於宣布暫時唔做雞。冇得做老本行，惟有轉型 新戲《冥婚啟示》入面，君如飾演一個過氣紅歌手兼喪子的中年怨婦，瞞住老公詹瑞文，不斷買紙紮名車紙紮飛機燒俾個仔，甚至搞埋冥婚氹「死仔」開心！原來香港嘅怪獸家長，為咗個仔可以去到咁盡……
君如同詹瑞文最叻搞笑，不過今次兩個都要玩正經。
戲中的紙紮用品都根據實物原大製造，望住兩個紙紮公仔都咪話唔寒！#冥婚
拍過《九降風》及《十月圍城》等的台灣演員王柏傑，今次就做君如個「死仔」，唔講唔知原來王柏傑之前仲客串過李安套《少年派的奇幻漂流》㗎。#母子情#王柏傑
君如戲中因為喪子變得瘋狂，經常去買紙紮用品燒俾個仔。
呢幕講王柏傑回魂探君如，紙紮車同紙紮大樓花咗唔少時間造㗎！
《冥婚啟示》去到新加坡拍攝，君如老公陳可辛專程去探班，搞到新導演王明都好大壓力。
出過 3隻唱片嘅君如，今次會開金口唱埋主題曲添！但係大家應該最懷念佢同 Wyman合唱〈初一十五〉囉！#唱主題曲
