2014年11月26日星期三

Mandy Lieu人肉速遞去馬交胸狠箍實洗米華洗米華,Mandy Lieu,Mandy,劉碧麗,BKD_S,

【短片】【殺入正印地頭】Mandy Lieu人肉速遞去馬交胸狠箍實洗米華

2014-11-25 23:40:00

其他影片：>>

【殺入正印地頭】Mandy Lieu人肉速遞去馬交　胸狠箍實洗米華

依家年代真係唔同咗喇(好似係)，做第三者，唔需要低調，仲可以幫手搵銀。好似周永恒個婚外情女友Ruby，幫埋手sell客兼坐地起價為周生接job，之不過個客不屑其所為，唔要。

要call客，辛苦錢，唔易賺。最近同樣與人夫、太陽娛樂老闆洗米華(周焯華)過從甚密嘅Mandy Lieu，亦都非常勤力，除咗真空露半球好乖豬咁做洗米華嘅人肉私家凳之外，仲做埋運財女神，帶挈對方喺賭枱上贏過千萬，難怪洗米華都同佢講：「唔驚、唔驚、唔驚，你買乜，就開乜！」

Mandy Lieu又豈會不知自己已經做咗運財童子呢？家陣嘅佢就真係威喇，出入有保鑣，有助手，氣勢迫人。貴為澳門猛人身邊女人，Mandy有番咁上下行頭都好平常。而之前講到佢好勤力，係勤力啲咩呢？就係密密過大海去澳門。咁唔係搵何生，就係搵周生0架啦。

今日有周刊仲follow埋Mandy Lieu，話說日前佢喺香港出席完一個活動之後，即刻人肉速遞去澳門——當然唔係坐船啦，而係坐直升機，盡現身份地位。

查實呢，洗米華已有元配陳慧玲，之前曾有報道話，洗米華即使異性緣極旺，但一樣俾足面老婆；而陳慧玲亦喺公開場合俾面老公，從不插手。但眼見Mandy Lieu來勢「胸胸」，陳慧玲亦不得不出招，喺fb大晒家庭照；洗米華之前亦一擲逾五百萬，請大班朋友豪遊法國瑞士十日，為太太慶祝牛一。點知Mandy Lieu越踩越過，仲殺到去澳門，當地話晒係陳慧玲出生地，會唔會盡咗啲呢……

報道仲話，Mandy Lieu已經發功，除咗獲豪買西半山豪宅珒然一個極高層單位外(市值逾九千萬)，更游說洗米華呢位「好友」為其於澳門置業，目標係氹仔新樓盤濠珀，一個單位都閒閒地二三千萬0架。唔緊要，以運財童子威力，好易贏得番。

Mandy Lieu唔止做人肉坐墊，估唔到做快遞一樣專業。