[FACE - 392 - 外地娛樂] 10億摩西過紅海 基斯頓：我都精神分裂！ MF,

《出埃及記》大部分用實景拍攝，呢場以獅身人面像做背景的場口，並非在埃及拍攝，而是專程在西班牙阿爾梅里亞搭景攝製，好揼本。基斯頓自爆在西班牙拍外景時，曾經因為乾燥，口角經常「爆拆」好辛苦，但飾演摩西一角仍然令佢好有英雄感。

西區

10億摩西過紅海　基斯頓：我都精神分裂！

邊個話大時大節一定係猛片如雲輪住上？其實各大電影公司已經掌握到大節日同對手硬撼冇着數，紛紛避開大節上電影至係大趨勢。睇吓 Christopher Nolan導演的大片《星際啟示錄》選擇在 11月冇對手時段上映就知。《星際》後，由 Nolan愛將基斯頓比爾（ Christian Bale）主演的《出埃及記：神王帝國》（ Exodus： Gods and Kings）於 12月初上畫。

改編自聖經《出埃及記》一章，耗資 10億港元拍攝的《出埃及記：神王帝國》，講基斯頓比爾（ Christian Bale）飾演的摩西，率領以色列奴隸，穿越紅海逃出埃及的故事，故事大綱跟聖經原著相似。

雖然摩西係聖經中的救世偉人，但一向敢言的基斯頓，卻唔怕得罪話摩西野蠻、搞事甚至精神分裂，同自己好相似喎！

《出埃及記：神王帝國》

上映日期： 12月 4日

1.《異形》大導列尼史葛，點解會拍《出埃及記》？

77歲的大導列尼史葛（右）出名嚴謹，每個場景都要親自到場監督，今次由他帶領下，整個拍攝工作只需 74日就完工，超有效率。

拍過《異形》同《帝國驕雄》的導演列尼史葛，原本冇諗過拍改編聖經的電影，因為一向對宗教並不關心，但一日《出埃及記》監製 Peter Chernin將劇本交給列尼，當列尼睇完後，對摩西的來歷好感興趣，從不知道摩西為拯救以色列奴隸，不惜與埃及王子為敵，而曾經親如兄弟的 2人最終反目成仇。列尼覺得個故事好偉大又戲劇性，決定擔任《出》片導演。

2.基斯頓對摩西一角有什麼看法？

做過蝙蝠俠，又試過增肥演職業騙徒，演乜似乜的基斯頓，最近接受訪問時，直言對摩西一角有獨特睇法：「我之前對摩西呢個偉人不太熟悉，但看完劇本之後，發覺摩西係一個精神分裂，而且好野蠻的人。不過摩西雖然好麻煩兼且搞事，但佢都係為咗人民而戰鬥，呢個精神好值得敬佩。其實我亦覺得自己精神分裂，為演戲可以減肥減到變火柴人，又可以增肥變大肥佬，而且好奄尖，工作人員都覺得我麻煩，但我沒有摩西咁偉大。」

列尼搵基斯頓合作，原因係欣賞基斯頓只要投入角色就可以去到好盡，無論減磅變火柴人，甚至增磅變大肥佬都肯。

《出埃及記》主要講述摩西帶領以色列人逃出埃及，及摩西跟埃及王子反目的故事。埃及王子即法老王繼承人一角就由澳洲演員祖爾艾哲頓飾演，為拍此戲，祖爾要把頭剃光，為藝術犧牲。

執導《異形》的大導列尼史葛，同《異形》女主角薛歌妮韋花一直關係良好，今次拍《出埃及記》，就搵咗呢位愛將飾演埃及皇后。

3.片中摩西過紅海場面最震撼，拍攝時有幾大陣仗？

導演列尼為求真實，片中 2/3是實景拍攝， 1/3利用電腦特效製作，今次拍摩西過紅海戲份，劇組便專程飛去西班牙富埃特文圖拉島的沙灘上取景，還在當地請了 3千名臨記扮奴隸，而事後便加入特技製造紅海一分為二特效。由於動用大量人力物力，所以全套戲製作費高達 10億港元。

摩西過紅海一幕，劇組專誠拉大隊去西班牙富埃特文圖拉島拍攝，除租直升機在上空 360度環迴拍攝，更請咗 3千老臨扮奴隸，拍出震撼場面。

鍾意就快D Share啦！

下一篇 》