掃呢頁CODE去手機

2014年11月26日 星期三

[FACE - 392] 愛巢 新西蘭預支蜜月 王祖藍李亞男新居不設防 祖藍,李亞男,王祖藍,MF,




週一( 24日),祖藍同李亞男去九龍城買嘢返屋企打邊爐。兩人一見記者即甜笑望鏡, sweet到呢!

真面目

愛巢 新西蘭預支蜜月 王祖藍李亞男新居不設防

上週三( 19日),王祖藍當住幾百萬觀眾向女友李亞男求婚成功,「藍男戀」修成正果,除令悶爆台慶有話題,更觸動全台未嫁花旦,連胡杏兒都喊到收唔到聲!

有人感動,但亦有人話係做騷。有網友踢爆拍拖 5年的兩人,早前已去新西蘭預支蜜月,李亞男又曾在台慶前的訪問中,自爆同祖藍正籌備緊婚禮,當晚所謂驚喜,根本只係其中一個表演環節!

有全港觀眾為藍男「證婚」,豪花 200萬裝修的新居亦隨時入得伙,身為虔誠基督徒的兩人,可以攞正牌開 turbo造人







近年密密北上搵人仔的王祖藍,先後拍過《百變大咖秀》同《奔跑吧兄弟》等內地爆 hit綜藝節目,現時身價高達 35萬人仔一場騷,發過豬頭!

陪外母打邊爐

儲夠老婆本, 34歲祖藍放心開定長期飯票俾女友李亞男。趁上週三( 19日)台慶當晚,祖藍當眾跪地以百萬鑽戒求婚,雖然事後被網友質疑兩人早有結婚共識,求婚只係當騷咁做,不過亦無損祖藍心情。

週一( 24日)下午,揸住掛上「 HANDELA」車牌的 80萬環保新車的祖藍,帶埋女友及未來外父外母到九龍城行街。兩人分頭行事,祖藍去買蛋糕同靚肥牛返屋企打邊爐,亞男則同媽媽去街尾買果汁,而祖藍沿途同未來外父外母有講有笑,明顯相處融洽!

祖藍車埋未來外父外母行街,當日揸住 80萬新車,車牌「 HANDELA」則是亞男以 5千蚊投得送畀老公!

據知藍男將於下年情人節,到九龍塘浸信會教堂行禮。

電視畫面

50吋電視入伙

祖藍早前被質疑早於台慶前已向亞男求婚,更在 10月中孖住去新西蘭預支蜜月。其實兩人係為大台拍攝節目《蜜月到訪》,節目仲有方力申、鄧麗欣和 Eric Kwok、葉佩雯兩 pair人。

即使未正式成為王太,但李亞男近日頻頻陪住祖藍去大埔視察新居。據知祖藍去年以 1,338萬買入、位於雅景花園的 2千呎愛巢,豪花超過 200萬裝修,大執了半年,至今個月終於完工可以隨時入伙。身為電視人的祖藍仲買了部 50吋大電視,而祖藍舅父則負責為姨甥仔監察裝修進度。祖藍與母親細妹會在年底入住,亞男則待明年 2.14結婚後才搬入去。新婚甜蜜蜜,應該好快會有小祖藍或者小亞男出現

新屋落晒窗廉,又裝齊閉路電視同指紋鎖,保安措施做到足!

去年以 1,338萬買入大埔獨立屋,不過祖藍冇加埋李亞男名,兩公婆財政獨立。

豪裝客廳

大埔愛巢已裝修完工,隱約見到屋入面有巨型玻璃櫃,唔通用嚟放祖藍啲獎?

《蘋果日報》圖片

雅景花園面積達 2千呎,主人房有無敵大海景,客廳亦相當闊落(相片非祖藍單位)。《蘋果日報》圖片

藍男早前去新西蘭拍攝節目《蜜月到訪》,有網友因此質疑祖藍早已向女友求婚成功。

網上圖片

餓擒短腳小儀

藍男戀證明王祖藍愛長腿,偏偏《老表,你好 hea!》中,祖藍飾演的尤田會向飾演富婆的小儀求婚,仲有激烈床戲鬼咁激添!

祖藍同小儀玩校服誘惑,好重口味!電視畫面

祖藍送上巨鑽求婚,乜咁似送俾李亞男嗰隻嘅?電視畫面



鍾意就快D Share啦!