熱爆娛樂: [FACE - 392] 識飲識食　揀鋪再開蠔吧　黃宗澤開紅酒倉黃宗澤,MF,

2014年11月26日星期三

[FACE - 392] 識飲識食　揀鋪再開蠔吧　黃宗澤開紅酒倉黃宗澤,MF,

真面目

識飲識食　揀鋪再開蠔吧　黃宗澤開紅酒倉

同胡杏兒分手、又同楊崢甩拖， 33歲黃宗澤唔再嘥時間，返大陸密密拍劇搵錢，而喺香港嘅蠔吧生意仲愈撈愈掂，計劃明年開分店添！

一向喜歡飲紅酒嘅 Bosco，最近又搞咗個網購紅酒生意，仲開埋 1500呎嘅私人酒倉，已經存咗四千多支靚酒，而 Bosco仲會定時喺官網「些牙」食物配餐酒嘅資訊，今次投資過百萬，真係要改口叫「黃老闆」喇！

Bosco平時唔使開工都會落蠔吧視察，得閒又會約埋班朋友歎紅酒，眼見蠔吧生意唔錯，慢慢就諗到網上代購紅酒嘅計劃，加上 Bosco鍾情紅酒，呢盤生意簡直係開正佢嗰瓣。

Bosco揼本 400萬嘅蠔吧去年開張，黃媽媽就負責管理財政大權，全靠媽咪睇住盤數， Bosco先可以咁快計劃開第二間蠔吧，唔知緋聞女友變契妹嘅孫驍驍有冇畀啲意見呢？

Bosco九龍城嘅蠔吧，不時有明星幫襯， Bosco最鍾意同班 friend飲吓紅酒，胡定欣、陳敏之都係常客。

定期舉行試酒會

Bosco開設一個名為「 CYW」，全名為「 Click Your Wine」的紅酒代購網站，主打幫客人代購各地的名酒，就算要揼本租貨倉存酒都冇有怕，加上貨倉現今已有四千多支靚酒，除咗供應畀蠔吧， 1500呎嘅酒倉仲會定時舉行試酒會，所以短短半年就成功吸納一班客仔，據聞仲有唔少強國客仔捧場。問 Bosco是否想學趙薇開酒莊，他說︰「我又唔係億萬富豪，遲啲再算啦。」

1500呎酒倉曝光

為咗大搞紅酒代購網站， Bosco租咗一個大型私人貨倉，𠵱家已經有四千幾支酒存貨。

Bosco開設嘅紅酒代購網站名為「 CYW」，全名為「 Click Your Wine」，另外仲開多個「 Click Your Food」有美酒同時亦有佳餚，一條龍服務。

黃媽媽管數

又搞生意又拍劇，真係分身都唔掂，雖然喺香港少見咗，不過台慶仍然企第一排㗎！

據知 Bosco已經計劃明年再開多一間蠔吧，初步選址就揀人氣旺的尖沙咀或銅鑼灣，忙於拍劇嘅 Bosco，全數都放畀黃媽媽管理， Bosco仲大讚阿媽好有生意頭腦。

Bosco說：「呢個網籌備咗一年，投資咗 7位數字，其實個網站唔只賣紅酒，都會有其他酒賣，仲會定時提供紅白酒配食物嘅資訊，如果想搵啲貴價酒都有途徑入到貨，同埋有啲貨香港係獨家㗎！」 Bosco咁生性，黃媽媽遲啲飲杯新抱茶都冇投訴

學趙薇開酒莊？

11年底，趙薇同老公黃有龍豪擲 4,200萬港元買入法國 Chateau Monlot葡萄酒酒莊，旗下出品嘅「 Chateau Monlot 2005」紅酒仲攞過布魯塞爾世界葡萄酒大賽嘅金獎。問到 Bosco會唔會好似趙薇咁買間酒莊，佢就話：「嘩！我唔係億萬富豪喎！遲啲再算啦，𠵱家搞完餐廳又搞紅酒，睇吓遲啲會唔會有好出路先。」咁謙虛㗎！