2014年11月13日 星期四

王傑插G.E.M.「走緊歪路」 G.E.M.,G.E.M,王傑,鄧紫棋,




馮仁昭四圍超:王傑插G.E.M.「走緊歪路」 - 馮仁昭



其他影片:>>






王傑批評G.E.M.:只飆高音走緊歪路

好有自己唱歌風格嘅王傑,雖然近年作品唔多,不過佢依然緊貼樂壇訊息。佢日前喺深圳宣傳內地巡迴演唱會,話自己喺娛樂圈好多年,睇人一向好準,佢講到最近傳俾內地封殺嘅G.E.M.:「我曾經想簽佢,非常睇好佢,不過鄧紫棋一定要有一個識音樂嘅製作人帶住,唔可以隨便搵個。」王傑仲更唱反調話G.E.M.唔應該再參加歌唱節目:「佢走緊條歪路,一味飆高音,後生邊個把聲唔好,我後生時都覺得自己把聲最完美無瑕。鄧紫棋一定要把握𠵱家好光景,製作人要識唱歌,至可以充份精確指點歌手。」佢仲講笑話𠵱家已經再請唔起G.E.M.:「𠵱家人哋咁紅,唔好去打攪人,雖然我幫過佢。」



■王傑話𠵱家再請唔起G.E.M.,好葡萄。資料圖片

下年內地冇巡唱

另外,有指俾內地封殺嘅G.E.M.,噚日喺微博上載咗張相,列舉晒佢之後嘅巡迴演唱會時間,似乎想澄清冇被封殺。但下年落實咗舉行巡唱嘅地點,只有香港、馬來西亞同新加坡,內地反而一個都冇喎。

撰文:馮仁昭



■G.E.M.經理人張丹,佢有冇王傑講嘅條件?

【三個粉絲去首爾】

追星實錄,即上韓劇讀:http://hk.apple.appledaily.com/kstar



鍾意就快D Share啦!
Related Posts Plugin for WordPress, Blogger...