掃呢頁CODE去手機

2015年1月2日 星期五

[忽然1周 - 1014] 銳哥怨偏心 祖兒暗寸:咁大頂高帽! 祖兒,容祖兒,MW,




新城高層朱明銳解釋坐咗成晚要𢱑吓痕,並唔係舉中指話祖兒。都係嘅,頒咗 5個鐘,又要等太空歌手返香港,悶到周身𢱑都好正常嘅!

媽咪姐

銳哥怨偏心 祖兒暗寸:咁大頂高帽!

世界真係變喇!媽咪姐仲記得以前班歌手為咗爭獎,跑勻咁多個頒獎禮,就算明知分豬肉都唔緊要,最緊要多同攞大獎。依家呢,唔出席唔攞獎,都要俾人話,做神級歌手都唔易喎!

睇吓天后容祖兒吖,只係咁啱去美國開騷,撞咗新城個期,就咁俾高層朱明銳話佢大細超,避新城去叱咤。阿銳哥仲話:「如果祖兒返嚟再出席叱咤,我哋新城會好傷心,過往支持祖兒所有行動被佢辜負咗。」銳哥仲無啦啦用中指捽鼻㖭!身在遠方嘅祖兒,無啦啦俾人咁話,只能透過 Instagram表心跡。頒獎禮過咗幾個鐘(可能咁啱係時差),佢喺當地行街嗰陣,就攞咗頂元寶形嘅帽嚟試,仲留咗句:「很大頂高帽噢!!」係咪有暗示,真係佢先知喇!

吳雨講明會安排祖兒出席叱咤頒獎禮,仲笑住話銳哥咁大方,係智者先會用中指捽鼻,提醒做人有宗旨。

俾人講到年年都有心安排其他工作,唔俾面去頒獎禮。咁啱去咗美國開騷嘅祖兒,不忘戴頂高帽回應吓!

祖兒留言冇耐,就有網友問佢係咪講緊頒獎禮。睇嚟啲網友都幾了解佢喎!

秋生喺 fb鬧爆啲所謂歌手走音,成個樂評人咁款。啲網友唔只 like佢言論,仲話勁爆係「神級頒獎」,只係大家唔識嘢!



鍾意就快D Share啦!