| 林芷筠親述父親林保全家中暈倒過身經過。 | next 1/1 pre |
為經典日本卡通角色《多啦A夢》（舊稱叮噹）擔任配音員的林保全今早突然辭世，其現職幕後配音員的獨女林芷筠接受訪問，交代離世父親經過：「今朝8點幾爸爸起身想去拎衫，突然間見頭暈，當時媽媽都一齊，佢暈低咗之後好快喺屋企過咗身，媽媽即時Call救護車去那打素醫院。」
芷筠透露父親一直有糖尿病，對於他的離世母親感到好傷心，而自己亦覺得好突然。問父親可有交代遺願？她說：「佢咁突然過咗身，冇留低啲咩說話，身後事方面未知點處理，因為屋企係佛教徒。」
感謝父親悉心教導
資深配音員林保全為經典卡通《多啦A夢》配音的角色，最後一句對白是「我真係要走喇！」令不少陪伴長大的網民大感惋惜，芷筠感謝網民對父親的支持。問同樣身為配音員的芷筠是否感觸良多？她說：「冇咩感覺，做得配音員就要講對白，都係跟稿讀。（爸爸對你有咩要求？）我哋做得呢行都只係普通人，爸爸都只係想我唔好行差踏錯。 」
無綫協助辦理後事
林保全是無綫合約員工，對於他突然離世，工作已交由公司調配。而忙於為卡通《喜羊羊與灰太狼》及《魔導少年》擔任配音員的芷筠，亦剛好休假為父親處理身後事，她說：「公司好快聯絡我哋，話會協助我哋處理後事，好多謝公司咁體諒屋企。」
|
鍾意就快D Share啦！
|
|
|
