[忽然1周 - 1014] 微信洩面和心不和 城城藐余文樂：世界仔 余文樂,郭富城,城城,MW,

娛樂喧

微信洩面和心不和　城城藐余文樂：世界仔

上周本刊獨家爆郭富城力追 23歲留日女學生 R小姐及 M字頭𡃁模，城城與 R小姐除了在微信互傳肉照及調情短訊，其中內容更談到城城好兄弟余文樂。

當 R小姐向城城表示自己好憎余文樂時，城城更「加多一腳」，嘲余文樂「世界仔」，又藐爆佢衣着經常模仿他。郭富城、沈嘉偉、張智霖、余文樂平日四劍俠出入，向來予人「好兄弟」形象。不過為咗溝女，估唔到城城幫女不幫友。

其他影片：>>微信洩面和心不和　郭富城藐爆余文樂

日本女留學生 R小姐上周大爆城城花心，追自己的同時又兜搭其姊妹 M字頭𡃁模。在 R小姐提供的微信內容中，除了調情短訊，城城亦有同 R小姐講波經，甚至評論「好好友」余文樂。

短訊中， R小姐曾向城城提到自己「好憎余文樂」，因為覺得他經常周圍黐人玩。城城表示同意，然後更以「世界仔」形容余文樂，更以「一般」來形容兩人關係，後來更指余文樂衣着抄襲他。對話當中，城城似乎對近年成功埋堆的余文樂有微言。

「出道嗰時，阿樂出嚟玩都係靠朋友關照。佢近年開始搵到錢，有能力買靚車買樓，兼埋到沈嘉偉堆，兩個仲愈來愈 friend。沈嘉偉、城城同張智霖本來係『三劍俠』，不過 Chilam近年忙於搵銀，樂仔就取代咗佢位置，成日跟住城城同沈嘉偉。樂仔喺兩位大哥面前好識撈，不過可能城城都係嫌樂仔未夠卡士啦!」知情人士透露。

其實城城同余文樂都有好多共同嗜好，包括網聊𡃁模呢鋪癮。余文樂之前亦曾因為網聊 LuLu（王璐瑤）出事。吸收過教訓的他，似乎沒有教精好兄弟城城。

今次 R小姐爆大鑊，直指城城花心，在追她的同時，亦溝 M字頭𡃁模及其他好姊妹。據知 M字頭乃雜誌模特兒程芷渝（ Milla）。記者向 R小姐求證，她不欲多談，不過就透露咗：「個女仔姓程，其他我唔想再多講。至於佢同城城有冇嘢，佢哋自己心知肚明」

本刊上期獨家披露 R小姐力數城城花心，在她和城城的微信中，更發現城城對「好兄弟」余文樂頗有微言。

表面上，郭富城、張智霖、余文樂 friend過打 band，不過原來城城眼中樂仔係世界仔一名。

交換肉照

城城近日以肌照換取 R小姐的性感相，而余文樂 2012年亦以飛毛腿出浴照，向𡃁模 LuLu（圖）要求交換女方浴照。唔知今次係咪城城抄番余文樂呢?

𡃁模咀城城晒命

近日再有消息，指城城除了 Milla外，亦搭上同樣愛玩賽車的 Cory（彭湘淇），更有指城城曾在 Instagram關注 Cory。講到 Cory， R小姐就火起：「我唔識 Cory，不過係有𡃁模周圍同人講，話自己同城城咀過，覺得自己好威咁囉。不過喺城城嘅世界，錫過都唔叫喺埋一齊，都唔叫女朋友！」

一班後生女為了城城爭風呷醋，城城真是魅力沒法擋！講到溝女，城城比細佢 16年的余文樂，看來更得心應手。

本刊至截稿前，仍未聯絡到余文樂。

指余文樂「世界仔」

R小姐向城城表示好憎余文樂，城城最初誤會樂仔是 R小姐前度。當 R小姐表示討厭樂仔是因為他是「菠蘿雞」時，城城即刻話樂仔「世界仔」，並堅稱自己同樂仔只是「一般」朋友。城城更同意樂仔造型有抄佢。

鍾情𡃁模

除了鍾意車，城城同余文樂近年都鍾情𡃁模，余文樂亦追過 LuLu同 Janice Man，而城城同吳嘉熙就晒過合照。

近日余文樂在《賭城風雲 2》和發哥飾演師徒，冧到發哥、王晶都咁開心，余文樂果然識做。

M小姐唔認爭仔

被指是「 M字頭𡃁模」，同 R小姐爭城城的程芷渝（ Milla），承認認識城城。她更醋味甚濃指城城識好多女仔：「我上年 event經朋友介紹認識城城。（你有同佢微信同交換肉照相？）大家唔好諗太多（但係 R小姐見過你同城城啲微信喎！）城城咁多朋友，連烏魯木齊嘅女仔都識， send吓 message都係好朋友啫！」

賣慣 33C身材的 Milla，早前大晒自己同星爺食飯，仲話當晚開咗支逾十萬嘅紅酒。

賽車女認網友

至於有傳城城另一網聊對象，是彭湘淇（ Cory），她雖然否認周圍同人講自己同城城咀過，不過佢亦忍唔住大讚城城：「同城城玩賽車時識，有交換過電話，但係同佢冇聯絡。（覺唔覺得佢花心？）咁有魅力嘅男仔，就會俾人有咁嘅感覺啦。（你同城城咀過？）唔係啩，我唔喺香港呀！」然後就匆匆掛線。

34D彭湘淇是美容品牌代言人，難怪城城都 like。

彭湘淇是一名業餘賽車手，因而認識同是賽車發燒友的城城。

鍾意就快D Share啦！

下一篇 》