全城熱爆的娛樂八封新聞 & 時事趣聞 & 生活 + 趣聞
上期《忽周》報道 49歲嘅城城網上冧女，即刻引到勁多記者飛去無錫舉行嘅《西遊記之三打白骨精》開拍嘅記招！咁強國人當然唔執輸嘅，借住《西遊記》個勢，梗係抽水又吸金。媽咪姐喺網上就發現呢檔國內最火爆嘅街邊小食，叫「唐僧肉」，仲要係 10蚊人仔就有 6串。 Well，相信妖精都可能頂唔住強國食品！除咗唐僧肉，仲有「叁打白骨精」嘅外套賣㖭。喺強國，果然有無限可能呀！
強國特產 呢間街邊檔賣嘅係「唐僧肉」，咁其實係豬肉定牛肉呢？定係用「 Micky」嚟整？驚！都係買「骨精褸」穩陣。
上年嘅《西遊記之大鬧天宮》首日票房有成 1.27億，睇今次《三打白骨精》嘅新相，畫面都好細緻。唔知下年新春上，會唔會破紀錄呢？
《西遊記之三打白骨精》由郭富城、鞏俐、馮紹峰、小沈陽、羅仲謙主演，鞏俐喺台上迷城城，台下又同馮紹峰咬耳仔，果然係風騷白骨精。
