全城熱爆的娛樂八封新聞 & 時事趣聞 & 生活 + 趣聞
趙碩之出道以來，無論出 show抑或出寫真集， show巨咪係必然嘅。不過自從戀上太陽飛馬嘅林家亮之後，就自動封胸，準備做林太。
話雖如此，日前趙碩之同朋友一齊去銅鑼灣時代廣場 shopping，雖然氣溫只得 15度，但喺厚厚大褸之下，佢嘅巨咪依然呼之欲出。時下吹韓風，趙碩之亦當然唔落後，當日喺韓國品牌專櫃，逗留咗成廿分鐘。不單止試用，仲攞筆記簿出嚟，將每件產品成分記錄低，睇嚟佢好緊張自己嘅皮膚。啱嘅，女為悅己者容嘛！
趙碩之當日主力揀唇膏，雖然 sales不斷向佢推銷粉底，但到最後佢仍然決定買一支唇膏就算。幾慳家！
趙碩之雖然外披大褸，但事業線深長，抵冷貪瀟湘又一明證。
趙碩之難得找到筍盤林家亮，當然𢱑實唔輕易放手。
