勁晒 5卡鑽戒
曾面癱的官恩娜現已回復昔日風采，日前出席活動時表演口風琴，體形發福不少，左手更戴上 5卡求婚鑽戒，非常搶眼。
娛樂喧
恐面癱復發 官恩娜不設防趕生羊仔
一句「 I do」我願意，宅男女神官恩娜，即將在農曆新年前，與拍拖六年的中法混血兒 Juan Domingo Maurellet拉埋天窗，正式成為 Mrs. Maurellet。
去年 9月不幸患上貝爾斯麻痹症的官恩娜，右半邊臉一度癱瘓，右眼更不能正常合上。雖然現已痊癒，但她恐怕神經線再受影響，令身體機能再癱瘓，嚴重會導致不育。所以自公布訂婚後，官恩娜已開始不設防，與未婚夫努力造人。
日前，官恩娜出席新城頒獎禮時，身形明顯圓潤孕味濃，對於急住結婚生仔，她直認不諱：「都會生，不過要做晒手上嘅嘢先，亦有同男友商量過。」兩個月後榮升人妻的官恩娜，話唔定到時雙囍臨門。
35歲的官恩娜，自幼已有一顆恨嫁的心。去年 7月，其混血醫生男友 Juan跪地求婚後，二人即時飛到巴黎影結婚相。奈何天意弄人，未幾官恩娜突然臉癱，據知醫生曾向她表示身體將來亦有機會再受神經線疾病影響，勸她有仔趁早生。
食定葉酸鈣片
一向很有計劃的官恩娜，由訂婚、影結婚相到公開婚訊都是早有部署，就連生仔都講明要生三個。據知情者透露：「 Ella曾經講過 38歲先嫁人，想搏多兩、三年，唱好啲歌兼開一次演唱會先生仔。點知面癱後有次去覆診，醫生話呢幾年有好多後生仔女突發性身體癱瘓，唔好彩半身或下半身癱咗，咁就仔都冇得生呀！ Ella即時同 Juan商量，希望盡快生 B。早前佢哋搬咗去加多利山新愛巢， Juan亦好想快快達成未婚妻佗 B心願，仲成日食鈣片同葉酸，有助懷孕喎！」除了怕身體癱瘓，其實官恩娜亦試過腰椎移位。她知道自己的身體狀況或許對懷孕有影響，故最近已開始努力造人。
官恩娜早前自爆將於農曆新年前擺酒，就算未婚夫是混血兒，仍然會依足中國傳統，會穿裙褂及過大禮等等。早前，本刊在記招上追問官恩娜婚禮細節及生 B一事，她即時以一個冧樣回應：「婚禮嘅嘢搞得七七八八，喺邊度擺酒唔話你哋知，要保持神秘感。生 B就隨緣依家我嘅工作排到 2015年中，不過都有同男友商量過生育問題。（係咪驚個病復發所以急住造人？）我會多啲注意身體喇！」
座駕交換用
現時官恩娜以月租 15萬入住加多利山寓所，貪其密度低私隱度高，與劉德華更是街坊。上月中本刊目擊官恩娜駕駛未婚夫 Juan座駕出入加多利山寓所，原來二人不時交換座駕上班。
由於未婚夫幾乎每日都要返診所，籌備婚禮的瑣碎事都由官恩娜全權負責。據知結婚當日她所穿的婚紗與晚裝早已在外地度身訂造，日前就獨自抱住愛犬到花墟閒逛，主要是睇花球及布置場地的鮮花，逗留約一小時才駕車回家。
官恩娜揚言婚後不會退出，不過現時當務之急是先生仔。已 35歲屬高齡產婦又有面癱前科的她，想生三個 B就要俾心機喇！
|
鍾意就快D Share啦！
|
|
|
