[忽然1周 - 1014] 男神 Chilam要攬女好忙！ Chilam,張智霖,MW,

男神 Chilam呢頭續約，嗰頭就傳公司上市，佢會分一半股份，兼升呢做 CEO。有錢又有面，難怪佢隨便擺個甫士都咁型，點搞呀？

媽咪姐

男神 Chilam要攬女好忙！

呢兩年張智霖（ Chilam）真係衝上雲霄，睇佢拍劇、電影、開演唱會瓣瓣掂，幾多人爭住想簽佢呀！難得佢又飲水思源，同蕭定一合作得唔錯，又收 1億續約 3年。

其他影片：>>身家進帳 2億　 Chilam同霆鋒睇齊　做娛樂大亨

呢晚 Chilam就出席經理人公司搞嘅晚宴，兼自己續約儀式，媽咪姐都有去食飯㗎！去到見到佢俾唔少女圍住，男神喎！受歡迎係正常嘅。但佢呢，最關心都係太子女（蕭定一個女），見到阿一上台抽獎，佢就好主動咁單手幫人抱住個女，個樣都幾慈父㗎。之後呢，見到有熟人抽到現金獎，佢又走去恭喜人，十足主人家咁，忙得佢吖！

冇實 Q傍住到場嘅 Chilam，好似爭咁啲排場，但有公司老闆蕭定一親自出迎，仲威。

Chilam見到老闆蕭定一抱住個女，即出手幫佢照顧，勁襟撈。

呢卷唔係告士打道跌咗嗰啲，而係蕭定一私人拎出嚟派嘅現金獎。 Chilam見人哋抽到大獎，都話要攬攬恭喜人喎！

鍾意就快D Share啦！

下一篇 》