[忽然1周 - 1014] 四太仔何猷亨爆冧陳凱琳 凱琳,猷亨,何猷亨,陳凱琳,MW,

媽咪姐

四太仔何猷亨爆冧陳凱琳

港姐冠軍陳凱琳，同四太大仔何猷亨，九唔搭八，點有條 road呀？是咁的，舊年 10月， Moiselle搞咗個 fashion show，何超盈就帶埋細佬何猷亨去捧 Moiselle太子爺陳柏熹場，咁啱凱琳 BB都係嘉賓之一，所以咪……咩囉。佢哋交換 Instagram後猷亨就瘋狂留言俾凱琳 BB啦。

其他影片：>>陳凱琳收四太仔何猷亨做兵

點瘋狂法？自己睇圖啦。概括重點都係話凱琳 BB係佢永遠嘅女神，話好想同佢合照，跟住又係「誰能代替你地位」之類嘅留言啦。嗯……乜咁毒男 feel嘅？

不過咁，雖然猷亨老是常出現，但凱琳 BB就似乎唔係好騷阿何公子，一個回覆俾佢都冇。嗱，咪話媽咪姐唔教你，咪以為做鍵盤戰士就真係追到女仔先得㗎。花啲心思、俾啲誠意出嚟啦，何公子！ Btw，如果想睇多啲何公子嘅肉麻留言，就快啲 click去我哋《忽周》個網頁

雖然係合照，但猷亨眼中就只有陳凱琳一個。

聖誕節，陳凱琳企喺聖誕樹前影咗張相，猷亨就話都好想同佢合照。其實何公子想影張相，又有幾難呢？

呢張相，陳凱琳句對白係「 Hello sunshine.」猷亨自動波回應，「 You are my sunshine乜乜乜……」嘩！好肉麻呀！

陳凱琳卸任港姐，猷亨就留言建議大台唔好再搞香港小姐競選，因為佢覺得冇人可以取代凱琳 BB喎。

戀情比拼：陳凱琳一年四仔

人夫張繼聰

拍攝劇集《四個女人三個 Bar》期間，有說張繼聰經常講爛 gag𠱁陳凱琳開心，又為佢擔遮拎風扇、收工食消夜再送返屋企。

洪永城

二人拍攝劇集《張保仔》，被拍得一支茶兩份飲，又係好朋友嘅。

大隻仔港男溫家偉

合作主持飲食節目《搵食飯團》時，溫家偉對陳凱琳大獻殷勤，更喺鏡頭前大膽餵食，大台嚴禁飛來蜢埋陳凱琳身，立即將溫家偉調離節目。

拉丁霍啟剛

跟有「拉丁霍啟剛」之稱嘅二打六奀星關浩揚拍《四個女人三個 Bar》外景時，二人傾偈傾到關浩揚一副冧爆樣。

何猷亨一年兩女

長髮富二代 Sabrina

11年，與就讀英國劍橋大學、同樣係有錢女嘅陳可欣（ Sabrina）拍拖，猷亨不時帶女友出席家庭聚會，更公開話：「我最鍾意 Sabrina。」戀情維持一年多告終。

𡃁模文宇

2010年 2月，與𡃁模文宇拍拖睇張敬軒演唱會，之後二人又被拍到拍拖食豬大腸，有指係女方放料做新聞。最後由猷亨大家姐何超盈出面跟女方講分手，戀情兩星期極速玩完。

鍾意就快D Share啦！

下一篇 》