【叮噹配音員離世】配音員要有三把聲 林保全：配音時唔准郁，會入聲呀！
2015-01-02 16:03:00
（資料圖片）
林保全在港台訪問《守下留情》中，談及當然為什麼想做配音員，林保全就表示自己好想做配音，所以當時毛遂自薦，而之後好快有回音。
他又謂加入無綫後，其實無人訓練他怎去配音：「當時搵咗十個新人叫做入訓練班，但其實冇人訓練，只係入去自己裝套35MM菲林，自己對囉，攞住劇本自己對囉，冇人教呀，平時返工坐喺後面睇前輩配，跟下咁囉﹗」他又大讚前輩所配的角色相當適合身份，非常合襯：「好似係嗰個角色講出嚟咁，呢啲就係經驗嚟。」
問到前輩丁羽叔有幾多把聲呢？他說：「三把聲，老中青都要有，我自己都係有三把聲，(再多啲得唔得？)要語氣來調整，入行同0依家唔同啲，0依家沉咗好多架喇，以前再尖啲。」他還即時展露老中青的聲音。
問到初時配音遇到什麼難度？而最高難度又是什麼？林保全謂：「初初學佢哋配音語氣啦，比較難少少，跟佢哋嘅語氣囉，點配上公仔到，點配落去，自己走去試下試下。自己練習下囉。」再問到當年入行的十個新人，現時是否仍然配音？他說：「仲有一個同我一齊，佢係《龍珠》裏面的『孫悟空』，佢叫林國雄。」
林保全第一部正式配音出街的戲是什麼？他說：「《FBI聯邦密探隊》，真人做0架，西片嚟，美國片嚟嘅，做一個警探，第一句對白：『FBI 咪郁，揼低鎗』，有NG，第一句就NG，當時就咁講出嚟，譚炳文就話唔係咁配0架喎，你要睇返當時氣氛，一入到去梗係有咁大聲得咁大聲，喝住晒0架啦，係咁0架」
至於會否用很多身體語言？他說：「唔可以郁0架，因為會入聲0架嘛，就咁坐係度，完全唔郁得，一郁就入聲。當時出面配電影，好多演員配時都會郁手郁腳0架。」
講到FBI為首部配音劇，他說：「唔係叫擔正，普通對白一句咋。」林保全表示有三把聲，揀配音員相對簡單點？他說：「全部都係Producer揀，佢哋知你啱配咩角色就分比你配。」至於正式戲份的角色是什麼？他謂：「咁就唔記得，因為配得太多喇，早期配動畫多，好似《忍者小靈精》裡面嘅俏皮貓。」
至於「高達」內的阿寶都被讚配得好經典，他說：「70年代尾配嘅，當時都未成熟，都係學緊嘢，其實都冇乜難度，都係咁配。」
|
鍾意就快D Share啦！
|
|
|
