2015年1月2日 星期五

[忽然1周 - 1014] 藝員不滿 王維基出雙糧大細超 王維基,MW,




媽咪姐

藝員不滿 王維基出雙糧大細超

港視被政府打壓,發唔到免費電視牌,之前使咗嘅錢等於倒咗落海。不過王維基唔認輸, 11月 19日終於喺網上開台,《選戰》、《警界線》同依家播緊嘅《來生不做香港人》終於重出生天,人人洗版大讚,視王生為大英雄。

其實媽咪姐都係港視粉絲,有唔少朋友都喺裏面拼搏。最近廣告收益唔錯,個台又搞網購,開始搵到少少錢,聽聞日前出咗內部通告,嚟緊 1月會出雙糧,鼓勵鼓勵。咦!不過唔好開心住,有唔開名嘅藝員同媽咪姐講,呢份雙糧只限俾網購嘅同事,因為佢哋直接幫公司賺到錢。其他製作部員工(包括藝員), sorry!因為公司已經停止咗製作,唔會再有賣埠等收益,所以雙糧, no way!搞到一班一直撐魔童嘅藝員同員工灰爆。

藝員部依家走剩 50個藝人,除咗港視 3小花:黃日華囡囡芷晴、黃美棋同姜麗文,其他都係 4、 5線藝人。而 3小花見到依家嘅情形,決定唔續約。唉,乜人都走晒。王生說好的《選戰 2》呢?

港視自成立以嚟,困難重重,但一班藝員同員工都力撐老闆王維基。今次,難免傷心囉。

港視 3小花,姜麗文啱啱約滿走人。美棋 BB同芷晴喺今個月都打算執包袱。

《選戰》人人讚,王生話當中無影射邊個,媽咪姐只想佢珍惜人才,等睇《選戰 2》呀!



鍾意就快D Share啦!
Related Posts Plugin for WordPress, Blogger...