2015年1月16日 星期五

[忽然1周 - 1016] 向豪門出發楊愛瑾拖郭永淳試水溫 郭永淳,楊愛瑾,MW,




當晚( 11日) Miki挽實男友落車,雖然無停低接受訪問,但佢哋都無避鏡頭。後尾 Miki回覆媽咪姐,表現開心。

媽咪姐

向豪門出發楊愛瑾拖郭永淳試水溫

九餅女出身嘅楊愛瑾( Miki),同結過婚嘅永安百貨太子爺郭永淳拍拖咁多年,一直都敢認唔俾影。不過,沉默多年嘅郭永淳突然喺兩星期前發聲明,力洗 Miki「小三」之名。估唔到,話咁快佢哋就手挽手出席何超瓊契女曾昭怡嘅婚禮喇!嗯,明知有咁多記者喺現場採訪,都咁高調現身,睇嚟入門有望喎。不過,媽咪姐知道, Miki同經理人公司仲有幾年約,相信都無咁快做豪門媳婦住喇!







以前 Miki同郭永淳拍拖時,佢哋對鏡頭都好敏感,一見記者就會彈開。

郭永淳嘅前妻 Constance愈嚟愈瘦。郭生話之前都因為前妻而冇公開同 Miki關係。



鍾意就快D Share啦!
Related Posts Plugin for WordPress, Blogger...