[忽然1周 - 1016] 分手案中案 江希文胡漢清有排鬥 江希文,胡漢清,MW,

媽咪姐

分手案中案　江希文胡漢清有排鬥

上個禮拜，《忽周》獨家踢爆鬥贏胡老太唔夠 1年嘅江希文，同資深大律師胡漢清突然分手！媽咪姐都打咗個突呀，話晒佢哋有個歲半女 Natalie㗎嘛，之前又話爭產又乜，搞咗咁多嘢，依家咁快又玩完？唉，不過一家唔知一家事，媽咪姐淨係知道呢單嘢有排搞啫！

其他影片：>>同胡漢清分手兩個月　江希文遭 5招趕絕

嗱，啱啱就有周刊報道話攞到江希文被毆求醫嘅相片，見到佢左腹瘀晒。跟住江希文又喺 fb不斷發功，作出「血的控訴」，暗示胡生唔理個女嘅安全。其實，兩個人若果一齊咁辛苦，又何苦仲住埋一齊呢？無做嘢好耐嘅江小姐，就話自己亦唔係想霸住胡漢清嘅沙宣道大宅，只係無錢搬，如果有錢會即刻搬。咁，其實要幾多錢先可以同個女生活到呢？答案真係見仁見智。帶住兩個女、自力更生嘅阿 Yu應該最清楚。

依家女方大反擊，胡大律師呢邊又點呢？周三（ 14日）有唔少傳媒去佢律師樓外守候，但胡生成日都冇出現過，睇嚟都喺度諗緊對策。查實媽咪姐縱橫娛樂圈咁多年，對呢啲離離合合都睇到化晒！套用胡大律師上期回應《忽周》嗰句「依家最重要係處理細路哥嘅安排！」小 Natalie鬼鬼哋又咁可愛，媽咪姐都想佢開開心心成長呀。

周三（ 14日），登咗江希文嘅受傷求醫相。而呢日未見胡大律師返律師樓，真相係點？只有當事人先知。

fb晒女

喺江希文嘅 fb，無論背景相同大頭貼都係寶貝女 Natalie。 43歲嘅江希文，依家嘅生活重心都係圍繞個女。

2012年胡漢清安排江希文去英國待產，佢笑住喺當地嘅湖邊影相。不過真實嘅情況係江希文喺嗰邊佗 B到 31周都冇人幫佢安排做產檢，乜都要自己做，差啲流產。睇番江希文嘅 fb留言，佢似乎都好掛住啲朋友同香港。

睇番江希文家境，其實老竇做糖薑生意，佢都幫過屋企做宣傳，應該無乜負擔，據知江爸爸仲全力撐個女。希望大家快啲搞掂件事，唔好影響細路女啦。

以前係性感女神系列嘅江希文，生女之後，多數自己去超市入貨，同一般 C9無乜分別。

老竇力撐

豪門最痛

見到江希文嘅新聞又令人諗起唔少女星嘅傷痛回憶。入豪門，從此幸福快樂生活下去？呢個世界，邊有咁簡單！

孫佳君打到上庭

05年，孫佳君自爆幫富商男友劉貴喬生咗個仔，話以後唔拍戲。點知 09年佢報警，話俾男友打頭 6、 7次，再拳打腳踢成分鐘，最終上埋家事法庭，劉生被判自簽 2千蚊同守行為 1年。而今年 40歲、風韻猶存嘅孫佳君最近有鬼佬總廚新款，依然愛得勇敢。

曹央雲入院療傷

94年亞姐曹央雲， 03年為上市公司主席何永安生咗個女，即刻進駐山頂加列山道豪宅。但 04年 4月，佢報警話喺豪宅內被打，口、臉、手都受傷，蒙頭入院。依家何生有新歡幫佢生咗個仔，曹小姐就自己帶住個女生活。

羅霖落難少奶

91年亞姐冠軍， 96年下嫁富商劉坤銘。不過有名有份都唔代表一世幸福， 2012年佢突然宣布同老公分居。兩年後嘅 7月，羅霖仲自爆喺兩年半前遭家暴，當時自己驚到唔識反應。

鍾意就快D Share啦！

下一篇 》