[忽然1周 - 1016] 城城大執 ig關注名單 娜姐師妹 out蔚雨芯有得留低 娜姐,蔚雨芯,郭富城,城城,周秀娜,MW,

out

之前城城 follow咗娜姐師妹 Kabby同好多素人靚女，仲同 Kabby影勝利合照，估唔到咁快轉軚。而 Kabby就話唔知被 unfollow，仲話同城城唔太熟㖭。

媽咪姐

城城大執 ig關注名單　娜姐師妹 out蔚雨芯有得留低

天王郭富城一向多女埋身，同熊黛林前年分手之後，先後同苟芸慧、內地女模葉熙祺傳緋聞，有傳佢仲網交來自世界各地嘅嫩模㖭。上年年底《忽周》就獨家踢爆佢用微信溝留學生 R小姐，桃花不知幾旺！

不過，媽咪姐收到風，城城最近突然將個人 Instagram嘅關注名單進行大清洗！有 30幾個人被佢取消關注，仲將戶口由公開變咗私人。當然，當中仲保留住唔少靚女不過同城城傳過緋聞嘅周秀娜師妹 Kabby同 Super Girl成員 Cheronna就不幸俾城城 unfollow咗，相反「魔鬼胸」蔚雨芯 Rainky就有得繼續留低喎！唔通城城想擋一擋啲爛桃花？

in

Rainky有得留喺天王 list，同丁子高、連詩雅、舒淇「同 grade」呀。

Super Girl嘅 Cheronna拍過《 M Club》，之前仲同城城頭貼頭合照。但亦難逃被 out。

城城之前公開 account，歡迎大家 follow。但經歷被爆料後，即刻鎖 account，要得佢同意，先可以睇到佢啲相。

鍾意就快D Share啦！

下一篇 》