[忽然1周 - 1016] 唔理安仔 Sam哥狂冧人妻 Sammi Sammi,許志安,安仔,許冠傑,Sam,鄭秀文,MW,

Sammi話抵受唔住 Sam哥嘅制服誘惑，再加埋對電眼，難怪佢都唔敢正眼望 Sam哥

媽咪姐

唔理安仔　 Sam哥狂冧人妻 Sammi

今年賀歲檔有《 12金鴨》、《賭城風雲 2》同《浮華宴》，但最多姊妹𥄫實嘅梗係有 Sam哥、 Cool魔狂 sell制服誘惑嘅《衝上雲霄》（ 2月 19號上映）

嗱，「 Sam哥」吳鎮宇同新加入嘅「 TM」鄭秀文早前幫套戲影海報，媽咪姐梗係去𥄫實。嘩， Sam哥型爆機長 look返晒嚟，而 Sammi都型英帥靚索喎！當佢哋甜蜜互攬時，即刻好有「戲」。 Sam哥不時露出殺死人嘅情深眼神， Sammi即刻頂唔住，話俾佢電暈。 Sam哥仲無理 Sammi嘅人妻身份，加多兩錢肉緊話望住「十嫂」就有戀愛感覺，「同 Sammi感覺好真實。我埋位一望住佢就會產生呢個感覺， just Sammi，只有佢先至引到我呢個 Sam哥」。

咦咦咦！嗱，唔好話媽咪姐多心，鎮宇咁講，即係話之前同佢拍大台《衝上 2》嘅陳法拉引唔到佢入戲啫。嗯，但 Sam哥講嘢又一向好有道理嘅……

Sam哥吳鎮宇大讚 Sammi係愛情片女皇：「如果只係個樣，做戲係好『行貨』，同 Sammi就感覺好真實。」言下之意，之前嘅 Holiday……

電影版《衝上雲霄》加料，用古天樂配阿佘，實行以型男陣強攻賀歲檔。

Sam

微博晒心情好

可能新戲拍得順利， Sam哥近排成日發微博，有發哥同佢囝囝 Fayman合照，又有佢自己拍戲時玩自拍神棍， very happy！

Sammi

微博晒美食

至於 Sammi呢，就喺微博晒靚靚美食，話自己可以回歸自己嘅舞台（廚房）。

鍾意就快D Share啦！

下一篇 》