[忽然1周 - 1016] 鋪路做時裝女王 進擊陳嘉寶箍闊少同居 陳嘉寶,MW,

早前，黃頌祈到尖沙嘴會合女友，兩人手拖手由尖沙嘴行到旺角。

娛樂喧

鋪路做時裝女王　進擊陳嘉寶箍闊少同居

去年陳嘉寶（ Anjaylia）因飾演「少女版李若彤」而人氣急升，雖然爆出已有大她八年，在教會認識的半億闊少黃頌祈（ Epaphras）做男友，但身為基督教徒的陳嘉寶，揚言不會發生婚前性行為，會為信仰保持處女之身。

不過，本刊早前就發現陳嘉寶已經和男友在炮台山海峰園同居。事實上，陳嘉寶相當進取，不但願意放下信仰為箍男友而同居，又為進軍時裝界鋪路。既是模 art，又是準闊太，認真有計。

25歲的陳嘉寶去年憑《女人俱樂部》成功入屋，工作一個接一個。今年她在大台科幻新劇《殭》擔正女主角，拍住視帝鄭嘉穎，進一步升呢。

感情上，陳嘉寶亦十分進取。曾自言同男友見少一面都唔得嘅佢，與有米男友黃頌祈（ Epaphras）拍拖接近一年，早在去年尾已經進駐男友屋企，開始同居生活。

進駐近千萬大宅

陳嘉寶現已進駐黃頌祈位於炮台山海峰園的大宅。大宅屬黃頌祈所有，市值約 9百萬。

同日深夜，陳嘉寶坐上黃頌祈座駕，一起返回男方的寓所。

十指緊扣行旺角

早前陳嘉寶與助手到銅鑼灣醫肚，之後更急急坐地鐵到尖沙嘴會合男友。等候期間，陳嘉寶不時 send短訊俾男友，二人會合後，懶理路人目光，全程手拖手，由尖沙嘴行街行到旺角。

「 Epaphras曾因刑事恐嚇及不小心駕駛罪成而有案底，但 Anjay（陳嘉寶）成日同朋友講已經認定佢係結婚對象。

同我哋出街， Anjay電話永不離手，因為要同男友報告行蹤，真係好鬼寃氣！」知情人士說。

兩人當晚到朗豪坊食日本菜。落到街，陳嘉寶與黃頌祈亦不避嫌，全程十指緊扣。

剛於上周四（ 8日）生日的陳嘉寶，在微博展示收到男友送的大束向日葵。向日葵的花語是「得到幸福」，難怪陳嘉寶咁冧。

升格舞台

陳嘉寶因同大台拍《街頭魔法王 2》而認識了魔術師甄澤權。去年 11月，陳嘉寶更為甄做表演嘉賓。

陳嘉寶拍《女人俱樂部》時，身穿健身舞衣，迷盡不少宅男。

當日，陳嘉寶與男友晚飯後，就上了他的座駕，於深夜齊齊返回男方住所。上樓前，陳嘉寶發現本刊，即上前質問記者身份。事後她出席活動時，解釋男友黃頌祈曾收到恐嚇信，故誤會記者是狂迷。但訪問當日，記者已向她表明身份，而她亦未向記者提及被「狂迷」恐嚇。

「 Anjay同 Epaphras拍拖冇幾耐，男方已經想同 Anjay住埋。 Anjay本來怕父母唔鍾意，不過佢都想箍住呢個筍盤，卒之都應承同居。自從佢兩個公開拍拖後， Anjay講過自己係教徒，唔會有婚前性行為，所以佢更加唔想俾傳媒知道自己同居！」

做公關學做生意

陳嘉寶除了演藝工作，近日更加盟少女服裝品牌「 LOVE LRE」。雖然陳嘉寶未有入股，只是負責做公關，不過就打盡人情牌，不但自己做生招牌，更「拍膊頭」搵一班「 M Club」好姊妹做模特兒。據悉陳嘉寶願意紆尊降貴做公關，除為了學習做生意，更為日後做老闆娘鋪路。

陳嘉寶有樣又有腦，仲有個有米男友，想做老闆娘，又真係比別人容易！

陳嘉寶不時找拍《女人俱樂部》認識的好姊妹吳嘉熙（左一）及李靜儀（左三），幫手宣傳「 LOVE LRE」的服裝。

早前阿 Yu飛周永恒，陳嘉寶食住個勢，找她為品牌宣傳。

雖然男友有半億身家，不過平日陳嘉寶一個人時，都是搭地鐵。當日她就是乘地鐵，到尖沙嘴會合男友。

年入百六萬

有「少女版周慧敏」之稱的陳嘉寶，近年廣告一個接一個，估計她已年賺逾百萬，成為 90後富婆。

鍾意就快D Share啦！

下一篇 》