周一（ 12日）張學友飛起陳淑芬後首次現身，他表示工作暫時交俾環球唱片處理。
娛樂喧
張學友證愛賭博 吸金經理人陳淑芬掟 7千萬買工廈
陳淑芬是金牌經理人，亦是張學友合作廿年的拍檔。不過，近日學友終決定與陳淑芬分道揚鑣，有傳聞指是陳淑芬抽佣太多所致。
其實，陳淑芬曾是張國榮、梅艷芳、沈殿霞、羅文同陳百強等紅星的經理人，歷年來搵埋唔少。
近日陳淑芬被發現在 13年一擲 7千多萬，購入觀塘天星中心兩層，連同其他物業，單是不動產，
估計她坐擁逾 3.5億身家。
陳淑芬識得搵錢，更識得使錢。據知陳淑芬同老公陳柳泉，是拉斯維加斯賭場的常客，每次上落動輒千萬。問到她的老拍檔張學友，他亦笑笑口話：「佢哋（鍾意賭錢）都出晒名，唔使我講」
陳淑芬曾是多位巨星的經理人，近幾年她除了為學友辦巡迴演唱會外，每隔一段時間，就以哥哥（張國榮）為名開騷賺錢。前年及去年她亦分別以紀念肥姐同張耀榮為名開騷。
生財有法的陳淑芬，前年更斥資 7千多萬掃入觀塘鴻圖道天星中心兩層工廈，而該工廈亦以陳淑芬的娛樂公司「天星」命名，工廈英文名 FUN TOWER亦取陳淑芬的「 Fun」。早年陳曾分別斥資 4千 6百萬及 3千 4百萬買入寶珊道 1號及羅便臣道 31號的單位，只計不動產，估計陳淑芬身家已逾 3.5億。
財來自有方的陳淑芬，買工廈外，更是賭場 VIP賭客。「佢兩公婆成日都去拉斯維加斯賭錢㗎當地賭場每年都會邀請佢哋過去，唔止包佢哋酒店食宿，仲送埋 Benz吸引佢哋去。羊毛出自羊身上，可想而知佢哋上落有幾大！」知情者說。
學友開騷做磨心
擅賭者計數叻，陳淑芬或許就是太計算，令學友決心與她「分手」。有傳陳淑芬在學友 2010年尾開始的內地巡迴演唱時，由於利潤定得太高，令成本增加，製作質素卻沒有保證，因而令學友不滿。
據悉，陳淑芬與學友對待歌迷的態度亦很不同。「近年陳太（陳淑芬）不時抽起學友演唱會的靚位，留予一些工作上有聯繫的國內單位，學友歌迷會嘅位反而冇咁好。就算資深歌迷找陳太訂票，陳太亦要額外收取千幾蚊做『 VVIP』至有靚位，雖然叫做有贈品送，但計落張飛貴好多。因為呢啲事，學友開騷就要做磨心。加上 2013年，陳太呢頭做完哥哥紀念騷，嗰頭又搞肥姐騷，學友覺得陳太一味搞紀念騷，同自己嘅創作理念愈走愈遠，所以想改變下。」另一知情者說。
學友：我都唔理
本周一（ 12日），本刊問學友，知否陳淑芬鍾意賭錢，學友笑笑口話：「咁佢兩公婆不嬲都鍾意嘅呢樣嘢……佢哋都出晒名，唔使我講」
對於陳淑芬收較高手續費代 fans訂飛一事，學友則表示：「我都唔理嗰啲嘢。」然後就怱怱離去，似乎頗為避忌。
學友唔多願講，不過佢較早前坦認：「我同陳太喺某啲事上，大家意見唔一樣。」至於陳淑芬就以「開會」為由，未有回應本刊提問。兩人雖然「分手」，面對傳媒，卻又顯示出最後的默契。
不停開騷賣物
身為張國榮、沈殿霞、羅文等紅星前經理人的陳淑芬，近年多次為眾星開紀念騷，以及推出大量紀念品，有 fans質疑其用心。
何守信轟有人斂財
13年是肥姐沈殿霞逝世 5周年，圈中好友決定在肥姐 6月 1日的生忌，在紅館舉行紀念演唱會。肥姐生前好友何守信不贊成為肥姐辦紀念音樂會，更直斥若有人斂財就會遺臭萬年，矛頭直指陳淑芬。
|
鍾意就快D Share啦！
|
|
|
