全城熱爆的娛樂八封新聞 & 時事趣聞 & 生活 + 趣聞
Eason明明知道自己腰粗背厚 pat大大，依然着淺灰套裝。呢啲，咪自信囉！
當愈嚟愈多男星學張家輝走去操肌嘅時候，有性格嘅 Eason係從來冇諗過減減個腩同對榕樹腳嘅。
早幾日啫，又喺街度見到 Eason做緊佢唯一會做嘅運動，即係純口部運動——吹水嘞！佢同幾個 friend邊行邊吹，個肥腩同巨躉「搖曳生姿」。唉∼鬼咩！媽咪姐知道，吹神一得閒就同老婆阿徐去食好嘢，佢仲最鍾意食麵。澱粉質最肥㗎嘛！唔脹就有鬼咯。但阿徐呢，陪完老公食，自己即刻喪跑 keep fit。槽肥老公呢家嘢，佢絕對係專家！
最愛食麵 阿徐成日喺 ig貼佢同老公嘆美食嘅相。 Eason就最鍾意食拉麵同意粉，連 fans都知。
阿徐失驚無神都跑 38K，食幾多都唔怕啦。
阿徐就醒喇！
