掃呢頁CODE去手機

2015年1月5日 星期一

醫院過年嗌好彩 學而割子宮肌瘤 學而,趙學而,




馮仁昭四圍超:醫院過年嗌好彩 學而割子宮肌瘤 - 馮仁昭



其他影片:>>






子宮肌瘤大過網球 趙學而醫院過年嗌好彩

趙學而11年同拍拖8年嘅圈外男友結婚,身為「黃絲」嘅佢久不久都會喺微博講吓政治嘅嘢,除此就係同老公去風流快活嘅旅行相。不過,學而噚日下晝就係fb同微博,上載咗一張佢瞓喺醫院病床度嘅相,原來學而喺大除夕做咗個切除子宮肌瘤手術,所以元旦就同老公喺醫院病房過。學而仲留言話本來唔想公開呢件私事,但係朋友覺得佢可以趁今次嘅經歷,提醒吓所有女性要注意健康。



■趙學而係喺舊年做體檢時發現個瘤。資料圖片

個瘤大過網球

學而留言講佢個肌瘤仲大過個網球,馮仁昭噚日send短訊問候學而,順便問佢有冇打算生BB,學而回覆話:「生BB順其自然唔會刻意。」問佢今次點樣發現個瘤,學而話佢真係好好彩,因為之前冇病徵,佢話:「我係做年檢嗰時發現嘅,而化驗結果係良性,所以多謝大家關心。」

撰文:馮仁昭



■趙學而要喺病床過元旦,老公當然陪喺身邊,仲陪佢食粥。互聯網圖片



鍾意就快D Share啦!