馮仁昭四圍超：醫院過年嗌好彩 學而割子宮肌瘤 - 馮仁昭
趙學而11年同拍拖8年嘅圈外男友結婚，身為「黃絲」嘅佢久不久都會喺微博講吓政治嘅嘢，除此就係同老公去風流快活嘅旅行相。不過，學而噚日下晝就係fb同微博，上載咗一張佢瞓喺醫院病床度嘅相，原來學而喺大除夕做咗個切除子宮肌瘤手術，所以元旦就同老公喺醫院病房過。學而仲留言話本來唔想公開呢件私事，但係朋友覺得佢可以趁今次嘅經歷，提醒吓所有女性要注意健康。
■趙學而係喺舊年做體檢時發現個瘤。資料圖片
個瘤大過網球
學而留言講佢個肌瘤仲大過個網球，馮仁昭噚日send短訊問候學而，順便問佢有冇打算生BB，學而回覆話：「生BB順其自然唔會刻意。」問佢今次點樣發現個瘤，學而話佢真係好好彩，因為之前冇病徵，佢話：「我係做年檢嗰時發現嘅，而化驗結果係良性，所以多謝大家關心。」
撰文：馮仁昭
■趙學而要喺病床過元旦，老公當然陪喺身邊，仲陪佢食粥。互聯網圖片
|
鍾意就快D Share啦！
|
|
|
