亞視劈價救亡 30秒廣告$375
【亞視告急之跌破底價】
亞視股東拒絕注資，拖欠員工11月份半份薪酬仍未解決之際，員工12月份發薪限期又將於後日屆滿，為解決燃眉之急，亞視惟有在廣告方面以跳樓價招攬客戶，昔日黃金時段要花近11萬購買的30秒廣告，亞視前日決定推出救亡套餐，只要花3萬港元便可以播80次30秒廣告，即每次僅花375港元，希望密食當三番。
亞視欠薪問題遲遲未解決，由於股東拒絕注資，亞視為求自救，前日決定推出救亡廣告套餐，只要客戶付3萬港元，便可以在本港台和亞洲台合共播出80次30秒的廣告，當中包括黃金時段和非黃金時段，換言之每次廣告僅為375港元，相比起之前黃金時段30秒廣告最高要109,060港元價錢（詳見附表），今次亞視絕對是跳樓價。不過，亞視收視差本身廣告已寥寥可數，救亡絕招是否湊效仍是未知之數。
■葉家寶昨表示有很多舊客戶願意加碼支持，相信可以渡過難關。
■亞視員工仍未發11月份半個月糧，12月份薪金恐怕也得個等字。資料圖片
■早前亞視宣佈自家製作暫停，未知有何節目可以吸引更多廣告商。
資料圖片
葉家寶：舊客戶支持
據了解，之前因為欠薪而跳船的亞視財務部副總裁李錫勛，為亞視投資者王征親信，由於當日有人堅持要加廣告費，以及加價後拒絕給客戶折扣優惠，結果嚇走不少客戶，令原本已少廣告的亞視雪上加霜。在李錫勛跳船後，管理層即開會商討打救亞視方法，包括急忙推出跳樓價救亡廣告套餐。記者昨日向亞視了解，發言人承認說：「我哋係推出一個救亞視方法，就係3萬蚊播80次30秒嘅廣告套餐，希望客戶幫手。」
亞視執行董事葉家寶、助理副總裁趙汝強和魏秋樺昨出席亞洲會於長沙灣社區中心舉行的活動，向長者派發福袋。葉家寶在台上說：「我相信亞視喺危機當中露曙光，只要你哋每人支持亞視，發動埋屋企人支持亞視，我相信亞視會再次帶畀大家無窮歡樂同電視節目。」趙汝強則謂：「亞視屹立香港半世紀，一定唔會喺呢個時間閂門。」
■羅霖有份投資的酒業公司為《把酒當歌》冠名贊助，對於亞視廣告費破底價也十分感興趣。
電視圖片
《把酒當歌》
葉家寶受訪時，指一直呼籲股東注資，可惜到現時為止「一個都冇反應」，而支付員工薪酬主要靠廣告收入、頻道管理費用及一些團體合作的製作費。葉家寶說：「好開心呢幾日收到好多電話，係老客戶打嚟，佢哋好耐冇落廣告，知道我哋目前情況，覺得香港唔可以得一間免費電視台，於是加碼，又話可以畀現金，唔會拖數，估計有7位數字嘅收入。最希望可以得到股東嘅支持，最近同新買家傾緊，我哋都寄望傾到咁上下，手續雖然未辦成，都願意支持就更加好。超過95%員工願意留喺亞視，絕大部份員工願意同亞視並肩作戰。」葉家寶指管理層有人拿出10多萬幫助受困同事，問他生活上可有困難時，葉家寶說：「暫時解決到，其實個個管理層都係受害者，但我哋會同亞視共存亡共進退。」
羅霖：考慮落廣告
至於亞姐出身的羅霖，她所投資的MBL（馬伯樂酒業）為亞視節目《把酒當歌》冠名贊助，對於亞視廣告劈價，她昨在電話中說：「亞視係希望我哋繼續落廣告，廣告費方面都有啲優惠。其實公司一路喺亞視買廣告係有份友情喺度，我哋同佢哋仲有幾個月合約，如果兩、三折我都會考慮，最緊要仲有冇呢個節目（《把酒當歌》）製作落去，希望亞視爭氣啲。」
採訪：戴彩煥、黃曉妍、唐如
攝影：葉君海
|
鍾意就快D Share啦！
|
|
|
