掃呢頁CODE去手機

2015年2月6日 星期五

[忽然1周 - 1019] 細妹思明嗌解約 莊思敏倒插:佢咁懶去得邊? 思明,莊思敏,莊思明,MW,




細妹莊思明要同大台提前解約以表不滿,但進擊的家姐莊思敏卻大潑冷水。

娛樂喧

細妹思明嗌解約 莊思敏倒插:佢咁懶去得邊?

莊思敏好搏,為咗紅不惜隆胸,最近更剝光拍禁相,以一千萬續約蕭定一。反觀港姐季軍胞妹莊思明( Lisa),入行五年發展麻麻,眼見大台近年力捧新晉港姐陳凱琳、蔡思貝,即使明年年底才約滿,但她也嚷着提前解約,學家姐莊思敏趁青春出外闖。

不過莊思敏驚聞細妹動向卻幫理不幫親,大潑冷水:「佢份人咁懶去得邊?」話佢留喺大台最適合。

10年港姐三甲,除了莊思明外,張秀文(左)及陳庭欣(中)都有劇拍,前者拍了《衝上雲霄Ⅱ》後者亦拍了《名門暗戰》。

2010年,莊思明( Lisa)挾着「拿督女」之名參選港姐,最終奪季軍入行,加上胞姊莊思敏是圈中人, Lisa有齊天時地利人和,想紅理應不難,可惜事與願違。

Lisa在大台五年來的演出機會不多,只拍過處境劇《愛•回家》,飾演李霖恩的老婆 Water,發揮不大。「佢( Lisa)近排出嚟食飯成日呻,話想解約。佢覺得喺大台拍劇嘅機會好小,最嬲係連賺錢嘅活動都冇,話大台為咗墊高一線花旦嘅叫價,將佢個價 set得好高,同一線嘅鍾嘉欣只相距一、兩萬。咁廣告商梗唔會揀佢喇。」知情者說。

師妹爬上頭

莊思敏出名搏,不惜影埋禁相闖影圈,難怪佢覺得妹妹莊思明 hea做啦。

除了拍劇機會唔多, Lisa眼見近年同是港姐出身的師妹黃心穎、朱千雪、陳凱琳及蔡思貝等,未卸任已可入劇組拍劇,有機會與一線小生演對手戲,成功「入屋」,自己一直苦無機會。「 Lisa好單純,唔識搞關係,加上佢出身富貴家,從來唔會冧高層,機會點輪到佢。」

記者致電莊思明,她直認不排除提前解約︰「我年紀唔細囉,喺呢間公司今年已經第五年。如果出面有 connection(人脈關係),或者唔同嘗試,我都唔排除(會走)。但依家未同公司講,因為出年年尾先約滿。睇吓佢哋同唔同我傾,到時有無發展機會,因為我想多方面發展,電影、唱歌及電視劇都想試。(係咪嬲大台大細超?)因為始終人太多,而且每年都有新人,每個人喺佢哋眼中都有唔同嘅定位。佢哋覺得新人可造性高啲,做咗佢哋先囉。」

再問是否不滿被公司提高騷價而失去廣告機會?她說︰「我只知道自己個價係浮動嘅。(係咪用你墊高一線花旦?)呢樣我就唔知嘞。」

胞姊插爆懶

至於成功向外闖的莊思敏,對於胞妹欲離開大台表示驚訝:「吓!我未聽過,有啲咁嘅事?反而我覺得佢留喺大台最適合。佢性格慣咗被保護,拍處境劇又唔複雜。其實佢都未清楚自己想點,間間公司都有政治問題。出面風大雨大,佢去得邊?(會唔會勸吓佢?)要講嘅都講過,講過好多次,開導過好多次。」

談到不少離開大台的藝人北上發展都可發圍,莊思敏竟潑妹妹冷水︰「我個妹點返內地拍劇。佢份人乜都無所謂,咁懶去得邊?其實冇工開咪增值吓自己囉,呢兩年我真係唔覺佢增值咗啲乜。(佢話青春有限?)打工都係一樣,升職機會都係有限,個個都要等機會。」

莊思敏雖然泊到蕭定一碼頭發展不錯,但沒有打算拉埋 Lisa一齊過檔,反而建議佢留在大台。不過大台現時只會維持「力捧愛將」政策, Lisa唔係余詠珊黨,看來不會有太大發展空間,若要發圍真係要好好向家姐學習。

當日莊思明得到港姐季軍,拿督爸爸跟家人都很支持她入行發展。

莊思敏在大台發展一直都不錯,有很多節目找她做主持。

莊思明最為人所熟識的,就只有《愛•回家》飾演 Water一角。

莊思明早前曾被指翻撻陳司翰,除夕更見埋家長。她似乎 enjoy拍拖多過工作。

幫理不幫親

俗語有話幫理不幫親,唔少藝人因為擔心至親唔長進,公開斥責,很多時都決裂收場。

張學友鬧爛賭兄

胞兄張學智 1993年在澳門豪賭向高利貸借錢,因為無力償還 600萬巨債,結果由學友代兄償還。之後學友與兄長決裂,更叫兄長「以後唔好再搵我」。

張衞健發聲明

兩年前張衞健遭胞弟張衞彝控告,指健仔趁他患病的時候,私下扣起了 2,000萬經理人佣金,及後健仔與母親聯合發表聲明,並強調「絕對沒有虧欠家人」。

張栢芝閂水喉

四年前張栢芝給了 300萬胞弟張栢文買法拉利,之後她發現栢文買車時報大數吸水,於是決定閂水喉。

鍾意就快D Share啦!