全城熱爆的娛樂八封新聞 & 時事趣聞 & 生活 + 趣聞
拉姑同顧老闆（右）研究補品，有商有量，夠晒民主。
鳩嗚唔係強國人嘅專利，呢日拉姑又同老公鬍鬚 Kong恩愛出巡喇！仲有顧紀筠做電燈膽㖭。不過佢哋今次唔係買衫又唔係 high tea，而係去同仁堂買嘢補身呀！咦，咁買俾邊個？
媽咪姐見到拉姑同 honey企定定喺擺鹿茸同燕窩嘅櫃枱指幾指咋，話咁快就掃咗兩袋， 15分鐘唔使就盛惠$30,000，好豪呀！等媽咪姐估吓，鹿茸都幾啱男人食，鬍鬚 Kong平時有拉姑照顧得咁好成日食好嘢，所以應該唔使刻意補身， um……謎底解開咗喇！應該係買俾日理萬機嘅阿仔霆鋒喇！哈，補到個身子咁 fit，最大得益者，仲唔係王菲?
喺等埋單計數時，拉姑同鬍鬚 Kong雞啄唔斷，結婚咁耐都咁恩愛！
幾萬銀嘅戰利品當然由鬍鬚 Kong負責拎顧老闆同拉姑高貴離場。
世上只有媽媽好
