[忽然1周 - 1019] 阿嬌真的開竅了 阿嬌,鍾欣潼,MW,

今年

有粉絲幫阿嬌做咗個演藝全記錄，令佢感嘆自己以前唔懂事。

媽咪姐

阿嬌真的開竅了

無見好耐嘅阿嬌，啱啱終於喺英皇 15周年慶祝活動上面， deep V現身！嘩，媽咪姐一睇，全場最性感係佢，個 V差啲落到肚臍㗎，嬌嬌真係大個女嘞！

講真句，難得出咁大 function，梗要搏到盡，唔通仲學以前咁，包到上頸，輸晒俾阿 Sa咩。啱啱過咗 34歲生日嘅佢，仲喺微博留咗段「生日感言」，話自己以前「很不自愛」，「有點自以為是」，睇嚟返咗強國發展，真係俾咗佢好大磨練。唔怕嘅，挺起胸膛， tomorrow is another day嘛！

微博認錯

上年

有圖有真相。上年英皇搞春茗，阿嬌包到上頸，比起 show腿阿 Sa，真係毫無睇頭。今年呢， wow！不過佢 like黑色喱士，就始終如一。

一班英皇藝人上台同老闆楊受成切蛋糕。一眼睇晒，最 sexy嗰個係阿嬌，連天后祖兒同女神溫碧霞都無咁搏！

鍾意就快D Share啦！

下一篇 》