全城熱爆的娛樂八封新聞 & 時事趣聞 & 生活 + 趣聞
喺圈中黃真真係出晒名專拍大膽戲嘅導演，就算衣着都要低調得嚟高調，問你服未？
媽咪姐「隆重宣布」，黃真真唔單止係電影界出色嘅女導演，仲係一個潮人。點解？大家睇相
一頭金髮襯黑衫、黑褲、黑 boot，普通嘢？錯晒！真真身上嘅亮點，就係佢腰間勁粗嘅橡筋上大大隻字寫住一個日本潮牌嘅名（ Frapbois）。呢個品牌最具特色就係呢款有假褲頭嘅褲，千祈咪笑人「唔識着衫露底橫」囉！媽咪姐知真真呢排喺大陸搞咗間娛樂演藝公司，趁有啲時間先同阿妹去中環嘆 high tea。值得慶賀嘅，係佢啲 taste仲未被強國化。 Thank God！
黃真真同妹妹都係短髮，個 look都幾似。但媽咪姐就覺得金髮型啲！
近呢幾年黃真真轉戰國內市場搵人仔，所以前排喺大陸搞咗間公司，啱啱仲喺華鼎獎頒獎俾林峯㖭。《蘋果日報》圖片
