2015年2月6日 星期五

[忽然1周 - 1019] 韓國男團 GOT7開 show 港仔 Jackson玩晒 GOT7,MW,




GOT7之前跟過 JYP嚟香港開家族騷,唔夠半年佢哋又再嚟開自己騷,有香港成員真係唔同啲㗎!仲成日安排 Jackson(圈中)企中間㖭!

媽咪姐

韓國男團 GOT7開 show 港仔 Jackson玩晒

韓國男團一年有幾十隊出道,真係認得晒嘅話,媽咪姐都要俾個讚你呀!但係上年 1月出道,屬 JYP(朴軫泳)旗下嘅 GOT7,全靠有首位港仔成員、前香港劍擊代表王嘉爾( Jackson)加入,即刻易認好多囉!







上星期, GOT7嚟咗香港開騷,媽咪姐咁鍾意韓星,梗要去支持睇見 Jackson返到家鄉特別風騷,被安排企正中唔在講,全晚最多嘢講係佢,仲點名話 like林峯。嘩!想學峯少咁 chok?話晒係主場, Jackson家人都得到 VIP待遇,安排坐喺媽咪姐後面,對正舞台最前排位置睇騷,仲拍片影足兩粒鐘。所以話呢,人離鄉賤,依家返到家鄉,咪俾佢玩晒囉。

咁 buy林峯的確冇吹水,睇吓 Jackson跳舞都要 chok樣,就知盡得真傳

做過運動員係唔同啲,睇吓 Jackson呢吓後空翻,打得幾瀟灑。

Jackson父母真係好錫囝囝,爸爸成晚坐喺台下拍片,媽咪影相之餘又要為囝囝打氣,好忙吓!

當年只有 16歲嘅 Jackson(右)同現役港隊劍擊運動員崔浩然(左)出戰「青年劍擊錦標賽」,獲獎後接受《蘋果日報》訪問。

淨係外星人先靚仔咩?我哋香港都有㗎!

鍾意就快D Share啦!