熱爆娛樂: [忽然1周 - 1019] 不甘做幕後　鄧智偉處男 MV激似周董周董,MW,

2015年2月6日星期五

[忽然1周 - 1019] 不甘做幕後　鄧智偉處男 MV激似周董周董,MW,

半個月點擊逾 8萬

鄧智偉 MV絕對不是 sell樣，大頭鏡頭幾乎零，反而面對住大浪彈鋼琴，感覺澎湃。自 1月 20日上網至今（周三截稿），不到半個月，已有 8萬多點擊，俾 like亦接近 500個。

娛樂喧

不甘做幕後　鄧智偉處男 MV激似周董

大台前年將旗下的「正視音樂」與「星煥」唱片合併，成立「星夢娛樂」，由前星煥 CEO何哲圖擔任話事人。而本身為正視音樂的音樂總監鄧智偉，卻突然辭職，惹來被逼走之說。

被喻為音樂才子的鄧智偉，離開大台後極速搵到好碼頭，簽約太陽娛樂做幕後工作。不過鄧智偉一直不甘只為公司歌手作曲編曲，日前正式推出其處男 MV，負責曲、編不特止，還親自主唱。網上點擊不俗，不過有網民就指取景和設計有抄周董之嫌。

「放手，放開所有……」這首〈愛不疚〉正正可以形容鄧智偉。 01年加入大台音樂部，最高峰時曾任職大台子公司正視音樂的音樂總監，成為樂易玲愛將，前途無可限量。 2012年大台更破天荒為他搞作品展，惟 13年他毅然放下總監一職，寧願隻身向外闖，並得到太陽娛樂黃柏高賞識。

07年〈不能說的秘密〉

鄧智偉的處男 MV，跟周杰倫 07年的 MV比較，同樣以一望無際大海作背景，同樣用白色三角琴，主角着黑衫，拍攝角度亦頗相同，難免令人覺得相似。

2012年中，鄧智偉得大台支持，在紅館舉行作品展《平行回憶演唱會》，邀請了老死林峯和黃宗澤等撐場。鄧在訪問中說：「到時我一定要『懶』型！」可見他十分堅持幕前工作。

為鄧麗欣作曲

鄧智偉一直醉心作曲，亦渴望在幕前做歌手。知情人士指：「智偉當年夾 band出身，都有唱下歌，其實佢好鍾意表演自己。佢喺大台咁多年有好多歌都好入屋，呢方面嘅才華 Paco一直欣賞，所以試下搵佢合作幫 J.Arie寫歌兼做埋監製。 Paco上年仲決定簽佢做幕後，一心諗住佢可以幫公司旗下歌手作曲編曲。 Paco尤其希望佢啲歌可以谷紅 Stephy（鄧麗欣）、阿 Fi（薛凱琪）同小肥等歌手。」

身形瘦削的鄧智偉，髮型和衣着都標奇立異，有網友表示他跟日本著名音樂家 Yoshiki十分相似。

開製作公司

有音樂界猛人支持，鄧智偉大可以擴展其創作空間，不過他對於成為歌手仍有期盼，去年 11月更與老友莊冬昕成立「釋出音樂」製作公司。事後更推出自己主唱的歌曲〈史詩式〉 MV，不過有網友發現該 MV與周杰倫的〈不能說的秘密〉一樣以海灘及白色三角琴作背景。

據知鄧智偉對該 MV十分緊張，由籌備到拍攝都要主導。「佢不嬲鍾意 show off才華，所以呢個 MV都係佢話晒事咁滯。佢一早同導演講好要喺海邊拍，同用咩角度拍，結果成個 MV大部分時間就係影住佢彈琴。」雖然 MV被指抄周董，但今次其處男作品，外界反應亦算不俗，不少網民都大讚他作曲編曲好之餘，唱功亦佳，放上網僅十多天，點擊率已逾 8萬，比起詹瑞文的新歌〈舞大舞細〉（比〈史〉更早推出）更受人關注，詹新歌點擊率僅得一萬多。

上月 21日，鄧智偉和另一音樂人莊冬昕（左一）創辦的「釋出音樂」公司舉行開幕活動，除了林峯有到場外，就連昔日大台老闆方逸華和高層樂易玲亦有現身支持。

Paco： MV投資 6位數

本刊就此事致電鄧智偉，但截稿前未獲回覆。不過 Paco則承認該 MV是鄧智偉主導拍攝，他說：「我哋同鄧智偉合作咗好耐，雙方合作愉快，總之只要佢嘅作品啱我哋歌手用都會用，嚟緊都會安排 Stephy唱佢嘅歌。（個 MV有人話好似周董。）佢幾乎揸晒主意點去拍，係公司大 project嚟㗎，投資 6位數字。」