全城熱爆的娛樂八封新聞 & 時事趣聞 & 生活 + 趣聞
講完 GiGi，梗係要講番同樣愛無界限嘅官恩娜 35歲嘅 Ella同細佢兩年嘅中法混血醫生 Domingo，結束 6年愛情長跑，周一（ 2日）簽紙結婚，仲公開咗幾張當日嘅 sweet sweet相㖭。靚，就梗㗎喇！不過 Ella成個人明顯圓咗，以前必 show嘅小蠻腰又 disappear（消失）喎。一班網友一望，已經嗌出嚟：有喜喎！再睇之前嘅蛛絲馬跡，嗯嗯，我福爾摩媽可以同大家講， 9成 9呀！恭喜晒 Ella。
睇簽紙相同裙褂相，都覺得 Ella成個人圓咗，網友一睇就話係有喜嘞！ Ella依家去咗度蜜月，真係要小心啲呀。
網露玄機之前 Ella喺網上多謝品牌送佢鬆弛熊服裝，網友見到啲 baby帽同衫仔，已經懷疑佢有咗。後尾佢仲放多張肚前有大波波相，明晒！
郎才女貌！睇見就開心。
