熱爆娛樂: [忽然1周 - 1019] 馬明拖慢板　唐詩詠轉軚冧洪永城馬明,唐詩詠,洪永城,馬國明,MW,

2015年2月6日星期五

自從拍完《載得有情人》，洪永城對唐詩詠嘅攻勢好積極。

個個都讚馬明係「筍盤」，但媽咪姐就覺得佢都 41歲啦，對自己個外觀又唔多 keep，仲有啲裙腳仔 feel，最大問題係成日都同女藝人傳緋聞。係定唔係？表吓態都好吖，次次一味得個拖字，邊有女人 like？最近佢同洪永城爭奪唐詩詠，媽咪姐撐洪永城㗎。

上個禮拜洪永城出席啤酒活動，講起唐詩詠嘴角含春，仲話：「約會緊，我幾 like佢（唐詩詠），有 2、 300個 like。」鍾意人就認，呢啲先係路㗎嘛！

嗱，洪永城雖然細唐詩詠兩年，但「姊弟戀」冇乜問題。記者問洪永城係咪鍾意人，佢大方「認咗」。之前唐詩詠搞小生意引入台灣三文治，洪永城第一時間幫「女神」宣傳，幾咁有心。難怪平時唔多提感情事嘅唐詩詠都讚洪生「份人好有驚喜」。睇嚟下星期嘅情人節，有人等男方嘅 surprise囉！

洪永城啱啱喺 Instagram上載咗張「女仔手」拎士多啤梨相，唔少網友話隻手似唐詩詠，睇落又真係有啲似噃！

我係筍盤！點使急啫。（設計對白）

睇吓馬明嘅中佬危機明顯出現咗，髮線上移又發福。加埋佢對歷任女友都係拖住先，叫即將踏入 34歲嘅唐詩詠點等吖。

5年前合作《鐵馬尋橋》，馬明話當唐詩詠係「阿妹」。依家洪生咁進取，搞到嘆慣慢板嘅馬明酸溜溜，話情人節會約「阿妹」食飯喎。

鍾意就快D Share啦！