2015年2月19日 星期四

[忽然1周 - 1021] 脹爆 Eason「吹贏」阿倫 Eason,譚詠麟,阿倫,陳奕迅,MW,




脹爆 high到癲嘅 Eason同着到 60年代寶島歌王林沖咁款嘅阿倫,喺台上鬥「吹」之後,再合唱一曲〈重口味〉。

媽咪姐

脹爆 Eason「吹贏」阿倫

笑言年年廿五歲嘅譚詠麟,上周五( 13日)晚起舉行一連 13場嘅《銀河歲月 40載演唱會》。咪睇校長已經 64歲,首場騷唱足 30幾首金曲,由 8點半唱到近 12點, chur得咁行,唔怪得啲飛炒到 2千幾蚊張都大把人去搶

10年前校長舉行 30周年演唱會時,有請 Eason做嘉賓,今次都唔例外。校長仲笑年紀大咗,呼吸慢咗, Eason解釋話:「上次好緊張,因為我係由《反斗星》嗰隻 cassette帶已經有(你的唱片),所以好奇怪,啱啱選完新秀喺化妝間撞到你,唔敢同你講嘢……我哋仲有個地方好相似。」

校長即刻搶住話:「 Eason係好出名嘅吹水王,佢叫吹神,我都唔弱,我叫訕王呀!搭訕王!」吹神就話:「證明你理人感受多啲,我就係咁齋吹……」

咁阿倫開騷當然有校規嘉賓唱嘅歌都係佢指定,同校長合唱完〈重口味〉嘅 Eason已經爆晒汗,之後唱指定歌〈再等幾天〉,亦不負校長所望,聽到觀眾拍爛手掌,乖學生呀!

Eason話自己好烏 where,好似死咗嘅墨魚撻喺頭。睇真啲,又真係好似喎!

30周年演唱會時,阿倫曾將全場螢光棒回收,但今年 40周年竟然搞突破,除送螢光棒外,仲有利是……封!

阿倫演唱會見唔到紅顏知己 Wendy,反而 78歲嘅林建名有兩女陪睇騷。

鍾意就快D Share啦!
Related Posts Plugin for WordPress, Blogger...