2015年2月19日 星期四

[忽然1周 - 1021] 小龍問黃伊汶攞「家用」 黃伊汶,MW,




小龍好勝心都幾重喎!掟咗幾次都唔中,打算玩到中為止,難得黃伊汶冇詐型,仲俾錢佢玩,幾幸福。

媽咪姐

小龍問黃伊汶攞「家用」

幾時都話,男人有錢就身痕,黃伊汶就醒喇,老公陳國坤(小龍)想使錢,要問過佢先。呢日媽咪姐去中環個嘉年華玩,就親眼見到佢點管老公囉!

話晒係嘉年華,去到呢啲位,作為男人嘅小龍當然要表現下,掟隻公仔送俾老婆。但係咁,佢打功夫就叻啫,講到掟嘢眼界就麻麻地,拋咗幾次豆袋,蟲都冇條。惟有問揸數嘅老婆,仲可唔可以玩?黃伊汶又真係喺袋度拎咗幾個銀出嚟,俾佢再玩過。

另一邊嘅 Eric Kwok都唔弱,出錢俾老婆葉佩雯去玩,掟公仔掟到中為止,仲企埋一邊拍低中獎一刻㖭。 Well,錫老婆會發達,小龍同 Eric Kwok一定大把世界

玩咗一晚,黃伊汶似乎俾機動遊戲消耗晒體力,臨走嗰陣邊行邊放蚊,個樣好攰吓!

Eric Kwok話晒 41歲,年紀唔細,冇乜童真。所以見老婆玩得咁開心,佢就負責攞電話拍低佢。

葉佩雯幾好眼界,贏咗唔少羊年公仔,同老公 Eric Kwok一人拎住一袋。

鍾意就快D Share啦!
Related Posts Plugin for WordPress, Blogger...