掃呢頁CODE去手機

2015年3月19日 星期四

派華嫂定心丸 洗米華上台嗌:我最愛老婆 [壹週刊 - 1306] 洗米華,M1,



探熱針

派華嫂定心丸 洗米華上台嗌:我最愛老婆

自去年尾爆出 Mandy Lieu跟華嫂同時懷有「華種」後,要在正印與小三之間周旋的洗米華(周焯華),經常要人肉速遞兩邊氹。早前 Mandy獲安排回港在中環四季酒店安胎,華嫂則以正印姿態淡定回應:「周太永遠只有一人。」

事實上,洗米華一直識分庄閒,日前在大型宴會中,特別上台向華嫂派定心丸,公開宣告:「我是最愛老婆的!」冧爆!

愛到出口

雖然 Mandy Lieu高調回歸,更毫不避忌在港晒「變幻肚」,但一向着重家庭觀念的周焯華,凡事都以正印華嫂為先,繼做人肉坐墊,拖住大肚華嫂與家人飛日本過農曆新年,兩公婆更全程連體互嘴。

日前在卡利會大型宴會中,周焯華上台主持抽獎時,對住全場百幾枱賓客向華嫂霸氣派定心丸:「我不講了,抽獎了,抽獎我也不抽了,給我老婆抽。」原本他準備落台,但又隨即折返搶咪話:「我是最愛老婆的!」

公開示愛,全場起哄,台上華嫂冧爆又有面,連司儀阿 Bob同陳貝兒都忍唔住話:「冧冧呀!」周焯華 high爆,落台後更加多兩錢肉緊:「我對我老婆好似鑽石咁堅固,係唔會變嘅!」

洗米華識分庄閒,每逢公開場合總是帶華嫂出來見人,日前更上台發表愛妻宣言。

對於洗米華的愛妻宣言,全場嘩聲四起,連司儀阿 Bob同陳貝兒都忍不住話好冧。

永遠係周太的華嫂,經常獲老公送贈千萬珠寶。

安分待產

「外間以為華嫂同 Mandy爭寵,其實華嫂對華哥冇乜要求,而家一心一意待產,唔會爭嘢,做生意都係開果汁店、託兒所同做美容事業,野心唔大。反而華哥見佢咁,自己識做成日買樓、送車送珠寶名錶。就算華哥風流,老婆只會得一個,佢好識分輕重,唔會俾其他女人亂嚟。佢同 Mandy出埠,係搵 Mandy幫手湊客,同華嫂去旅行,就真係度假,兩樣唔同嘅。」知情人說。

阿嫂唔易做,難怪華嫂話:「我沒需要和任何人鬥什麼,輸或贏,太太就是太太,從來沒有所謂贏輸之分!我老公有外形有身家有才華,多女人埋身是正常事,霧水情人又豈止一個,而周太永遠只有一人。」夠霸氣。

Mandy獲安排回港在中環四季酒店安胎,但華嫂表現淡然,只想專心待產。

洗米華向來多女埋身,近日驚爆新寵是杭州奀歌手潘柔伊。

洗米華家庭觀念甚重,新春時他做人肉坐墊拖住大肚華嫂遊日。

陳雅倫都曾跟洗米華過從甚密,難怪華嫂話老公霧水情人又豈止一個。

早前洗米華送了兩隻合共二百萬的限量版鑽錶給華嫂,而華嫂亦送了一隻價值六百萬的 Dewitt陀飛輪給他,該手錶全人手製造,全年只生產八百至一千隻,非常有收藏價值。

同揀養和生 B

華嫂跟 Mandy差不多同時傳出懷孕,去年十二月底, Mandy被發現到養和醫院睇急症,之後便傳出懷有「華種」。幾日後,華嫂在周焯華陪同下,到養和做產檢,其間遇到記者採訪,周焯華更緊張到發脾氣。

據了解,佗有「華種」的華嫂跟 Mandy,將不約而同地睇中在養和醫院生 B,認為交通方便又夠私隱度。而在六月生 B的華嫂,已揀好時辰開刀,到時老公周焯華亦會陪伴在側,迎接小生命來臨。

鍾意就快D Share啦!