熱爆娛樂: 唔使再扮棋　坤哥變潮濕版 Cool魔 [壹週刊

2015年3月19日星期四

唔使再扮棋　坤哥變潮濕版 Cool魔 [壹週刊 - 1306] 坤哥,Cool魔,吳業坤,M1,

扮 Cool魔

九位黑絲空姐伴黑超坤哥，唔使再扮棋，坤哥扮 Cool魔，個 look唔差。

同你吟一吟

唔使再扮棋　坤哥變潮濕版 Cool魔

參加《巨星 2》入行嘅坤哥吳業坤，明明恨發歌星夢，點知入行 5年，大台只係安排佢拍劇做主持，舊年台慶夜，仲慘到俾人安排扮隻「棋」，衰過做路人甲。

為兩餐，冇辦法，不過最近坤哥終於搵到份筍 job，可以著住制服扮飛機師，再响中環街頭自彈自唱，宣傳送機票活動。

唔使再扮棋，又可以一展歌喉，不過又帽又黑超嘅坤哥，睇落雖然好有型，仲有成班空姐圍住佢一齊做宣傳，可惜因為制服質料太厚，坤哥焗到成頭汗，要趁未正式埋位，問工作人員攞紙巾抹汗。

扮 Cool魔好睇唔好受，不過坤哥能夠一邊扮機師、一邊唱歌，途人又聽到拍爛手掌，大台唔識欣賞你歌喉，起碼仲有班聽眾識貨。