全城熱爆的娛樂八封新聞 & 時事趣聞 & 生活 + 趣聞
由台北飛到嚟澳門，柯震東可以同拳王鄒市明合照，不枉此行。
舊年因為响北京吸毒，被囚禁 14日嘅柯震東，誓神劈願會改過自新，但忍得一時，忍唔到一世，今年一月，喜愛夜蒲嘅柯震東蒲癮發作，重現台北夜店。
夜生活點戒都戒唔甩，早個禮拜，柯震東仲飛咗去澳門，欣賞國產拳王鄒市明比賽，夜晚再踩埋落夜場 Cubic玩番晚。凌晨一點，夜場安排 VIP區招待拳王，柯震東以及台灣藝人唐禹哲聞風而至，幾經辛苦，終於可以响人堆中攝到位同拳王合照。雖然當晚嘅主角唔係柯震東，不過夜場班女又點會放棄集郵機會，柯震東來者不拒，但現場所見，柯震東當晚嘅視線，只係望實啲金髮鬼妹，港澳同胞，原來唔係佢杯茶！
成班女湧埋去嗌合照，柯震東全部冇 say no。
蒲場人多口雜，柯震東傾偈對象只限男人，成晚冇食煙，就算飲香檳，見大會攝影師想埋去影張相，佢都即刻耍手擰頭。
