袁嘉敏晒豪華臀 [壹週刊 - 1306] 袁嘉敏,BKD_S,M1,

見到鏡頭，袁嘉敏周身唔自在，一時喪笑，一時拍拍心口嗌好驚！

同你吟一吟

袁嘉敏晒豪華臀

响電影《鴨王》入面露點演出嘅袁嘉敏，雖然脫出六百幾萬票房，不過佢自稱壓力大兼抑鬱，搞到一連幾個電影慶功宴都 no show。

當年選港姐，有胸有腿，眼前呢個豪華臀、榕樹腳，究竟係怎樣練成？

心情唔好，袁嘉敏連打扮 keep fit都懶，上個禮拜一（九日）晚七點半，《壹》仔見到袁嘉敏一個人行中環 ifc，冇化妝兼披頭散髮，渾渾噩噩冇目的係咁行。

唔單只行為怪異，《壹》仔仲發現袁嘉敏嘅下半身，被厚厚嘅脂肪重重包圍，幾乎逼爆條牛仔褲。

壓力、抑鬱、殘樣、爆肥，四合一袁嘉敏終於發現鏡頭，嚇到成個彈起：「你哋（記者）唔好咁（影相）啦，嚇到我個心離一離！」冇面見人，袁嘉敏一支箭離開，行咗去中環 Soho區，之後一直向上行斜路，根本唔知想去邊。

當日想一脫成名，目標清晰，今日成為百萬票房脫星，又話抵受唔到壓力，咁你玩晒

鍾意就快D Share啦！

下一篇 》