網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月26日 星期四

大肚周汶錡有雷達眼 [壹週刊 - 1307] 周汶錡,M1,



大肚婆,照道理應該要人照顧,但周汶錡例外,同行友人經常行錯方向,大肚婆要捉住佢行番轉頭。

同你吟一吟

大肚周汶錡有雷達眼

上個月以凸肚比堅尼照宣布懷孕嘅周汶錡,唔經唔覺肚裡面嘅 BB已經 6個月大,不過因為成日夾實對腳仔,搞到而家都未照到佗住 B仔定 B女,不過周汶錡講到明仔女都冇所謂,仲話大肚以來,食得又瞓得,就算有時為咗貪靚,著 5吋踭出活動,依然輕鬆自如。

佗 B佗得舒服,周汶錡仲經常四圍去,上個禮拜四(三月十九日),《壹》仔見到佢同朋友去銅鑼灣行宜家。當日佢著住件乾濕褸,加上長胎不長肉,點睇都唔似大肚婆,周汶錡更加唔理通道又窄又人多,一邊睇手機、一邊睇傢俬,甚至反過來照顧同行朋友。

周汶錡一眼關七,好快發現《壹》仔鏡頭:「哎呀!我嚟幫菲傭買床咋!」買張床都要你親自出馬,呢個大肚婆,果然坐唔定。

傢俬店通道又窄又人多,周汶錡對眼只係望住部手機,後來佢都知危險,企埋一二邊,覆完個錄音口訊,再繼續行。

平日出街,周汶錡會著平底鞋,但扮靚去 ball,六個月肚堅持要著 5吋踭。

醒目大肚婆,好快就發現《壹》仔,仲笑晒報告行蹤。

原本唔鍾意小朋友,不過法籍老公想做老豆,周汶錡為咗另一半,先決定生 BB。

鍾意就快D Share啦!